ជ្រោយបន្ទាយ៖ នាព្រឹកថ្ងៃសុក្រ ១០កេីត ខែអាសាឍ ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី៨ ខែកក្កដា ឆ្នាំ២០២២ ឯកឧត្ដម ប៉ែន លីណាត អភិបាលខេត្តស្ដីទី តំណាងឯកឧត្ដម វ៉ា ថន អភិបាលខេត្ត បានអញ្ជេីញជាអធិបតី ក្នុងពិធីប្រកាសសុពលភាពសមាជិកក្រុមប្រឹក្សាឃំុជ្រោយបន្ទាយ អាណត្តិទី៥ ឆ្នាំ២០២២ លោក បុិច ងន់ស្រុឺ អតីតមេឃំុជ្រោយបន្ទាយអាណត្តិទី៤ ត្រូវបានប្រជាពលរដ្ឋផ្ដល់សេចក្ដីទុកចិត្តបានបោះឆ្នោតគាំទ្រជាមេឃំុអាណត្តិទី៥ឆ្នាំ២០២២បន្តទៀតដេីម្បីដឹកនាំអភិវឌ្ឍន៍ភូមិ ឃំុ ឱ្យមានការរីកចម្រេីនរុងរឿងនិងធានាបាននូវភូមិ ឃំុ មានសុវត្ថិភាពនិងធ្វេីការបម្រេីពលរដ្ឋដោយមិនប្រកាន់និន្នាការនយោបាយឡេីយ។
ដោយមានការអញ្ជេីញចូលរួម លោកប្រធានក្រុមប្រឹក្សាស្រុកនិងសមាជិកក្រុមប្រឹក្សាស្រុក ក្រុមប្រឹក្សាឃំុជាប់ឆ្នោតអាណត្តិទី៥ លោកនាយប៉ុស្ដិ៍ មេស្នាក់ការអាវុធហត្ថ៧០៦ លោកមេភូមិអនុភូមិទាំង១២ ប្រធានមណ្ឌលសុខភាពជ្រោយបន្ទាយ លោកគ្រូ អ្នកគ្រូនិងប្រជាការពារផងដែរ។
នាឱកាសនេះដែរ ឯកឧត្ដម អភិបាលខេត្តស្ដីទី ក៏បានពាំនាំការសួរសុខទុក្ខសមាិកក្រុមប្រឹក្សាឃំុជាប់ឆ្នោតអាណត្តិទី៥ឆ្នាំ២០២២ ពីសំណាក់ ឯកឧត្ដម អភិបាលខេត្តនិងបានក្រេីនរម្លឹកដល់លោក មេឃំុ ក្រុមប្រឹក្សាឃំុ ដែលបានជាប់ឆ្នោតអាណត្តិទី៥ឆ្នាំ២០២២ សូមយកចិត្តទុកដាក់ធ្វេីការបម្រេីប្រជាពលរដ្ឋដោះស្រាយរាល់បញ្ហាដោយស្មោះត្រង់មានតម្លាភាព យុត្តិធម៌ប្រកបដោយគុណធម៌និងព្រហ្មវិហារធម៌។