នៅព្រឹកថ្ងៃទី៨ ខែកក្កដា ឆ្នាំ២០២២ លោក តាន់ គារិទ្ធអធិការនគរបាលស្រុកភ្នំក្រវាញបាននាំយកអំណោយជាគ្រឿងឧបភោគ បរិភោគជាអំណោយឯកឧត្តមបណ្ឌិត ទី នរិន្ទ រដ្ឋលេខាធិការក្រសួងរ៉ែនិងថាមពលចែកជូនប្រជាពលរដ្ឋដែលមានជីវភាពខ្វះខាតចំនួន២៥គ្រួសារ រស់នៅភូមិស្វាយប៉ាក ឃុំព្រងិល ស្រុកភ្នំក្រវាញ ខេត្តពោធិ៍សាត់ ។
ក្នុងពិធីនេះ លោក តាន់ គារិទ្ធ បានពាំនាំការផ្តាំផ្ញើសាកសួរសុខទុក្ខពីសំណាក់ឯកឧត្តមបណ្ឌិត ទីនរិន្ទជូនចំពោះដែលជួបការលំបាកទាំង២៥គ្រួសារដែលជានិច្ចកាលឯកឧត្តម បានជំរុញដល់អាជ្ញាធរក្រុងស្រុកទាំងអស់ សូមខិតខំចុះសាកសួរសុខទុក្ខជួបបងប្អូនប្រជាពលរដ្ឋនៅក្នុងមូលដ្ឋានរបស់ខ្លួន ដើម្បីស្វែងយល់អំពីជីវភាពរស់នៅរបស់បងប្អូនប្រជាពលរដ្ឋ ជាពិសេសបងប្អូនប្រជាពលរដ្ឋដែលកំពុងតែមានជីវភាពខ្វះខាត ដើម្បីជួយឧបត្ថម្ភជាគ្រឿងឧបភោគ
បរិភោគដោយមិនទុកឱ្យបងប្អូនណាម្នាក់ ខ្វះខាតស្បៀងដោយមិនមានអាជ្ញាធរមិនបាននបានដឹងនោះទេ។
ទន្ទឹមនឹងនោះដែរលោក តាន់ គារិទ្ធបានលើកទឹកចិត្តដល់បងប្អូនប្រជាពលរដ្ឋទាំង២៥គ្រួសារ សូមខិតខំប្រកបមុខរបរចិញ្ចឹមជីវិតបន្ថែមទៀត ដូចជា ការចិញ្ចឹមសត្វ ការដាំដំណាំរួមផ្សំជុំវិញផ្ទះ ដើម្បីរួមចំណែកកាត់បន្ថយការចំណាយប្រចាំថ្ងៃ។
ប្រជាពលរដ្ឋទាំង២៥គ្រសារសូមថ្លែងអំណរគុណដល់លោកអធិការនិងក្រុមការងារដែលចំណាយពេលដ៏មានតម្លៃខិតខំនាំយកអំណោយរបស់ឯកឧត្ដមបណ្ឌិត ទី នរិន្ទ មកចែកជូនពួកគាត់នាពេលនេះនិងជូនពលោកអធិការ និងឯកឧត្ដម ព្រមទាំងក្រុមការងារទាំងអស់ឲ្យជួបតែសិរីសួស្ដី ជ័យមង្គល វិបុលសុខ គ្រប់ប្រការ និងប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមបញ្ជាក់ថា៖ អំណោយដែលចែកជូនបងប្អូនប្រជាពលរដ្ឋទាំង២៥គ្រួសារនាពេលនេះក្នុង១គ្រួសារទទួលបាន អង្ករ១០គីឡូក្រាម និងគ្រឿងឧបភោគបរិភោគ១កញ្ចប់តូច៕