សកម្មភាពការងារមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ នៅថ្ងៃអង្គារ៍១៣រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៦ ខែកក្កដា ឆ្នាំ២០២២មេត្តាជ្រាប:
១.នាយសង្កាត់រដ្ឋបាលព្រៃឈើ លាច បានចូលរួមវេទិការសាធារណ: នៅសាលាឃុំរកាត ស្រុកភ្នំក្រវាញ។ ប្រជាជនបានលើកបញ្ហាសំខាន់ដូចជាៈ
-ទីសត្វឃាតពុំទាន់មានលក្ខណៈស្តង់ដានៅឡើយ
-បញ្ហាចាក់សំរាម មិនចំកន្លែងឬគ្មានទីតាំងត្រឹមត្រូវ។
-សុំជួសជុលផ្លូទៅទំនប់ទី៥១ខ្សែរ។
-សុំធ្វើស្ពាន១ឆ្លងទៅពាមតាលា។ ស្រុកភ្នំក្រវាញ
នឹងបង្កើតការិយាល័យប្រជាពលរដ្ឋ ដើម្បីបំរើប្រជាជនគ្រប់បញ្ហាផ្សេងៗនាពេលខាងមុខ។
២.កម្លាំងសមត្ថកិច្ចជលផលផ្នែករដ្ឋបាលជលផលក្រគរ សង្កាត់ រដ្ឋបាលជលផលកំពង់លួង នៃមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ដឹកនាំដោយលោក ភុន សុវណ្ណា សហការជាមួយក្រុមបង្ក្រាបបទល្មើសជលផលថ្នាក់ស្រុកដឹកនាំដោយលោក ខាត់ ពុយ អភិបាលរងស្រុកក្រគរ និងកម្លាំងរាជអាវុធហត្ថ ខេត្ត យោធានៃតំបន់ប្រតិបត្តិការសិករងខេត្តពោធិ៍សាត់ មានកម្លាំងសរុបចំនួន ១០នាក់ មធ្យោបាយកាណូត០២គ្រឿង បានចេញបង្ក្រាបបទល្មើសនេសាទ ពីចំណុចកំពង់ប្រាក់ ដល់អន្លង់រាំង ភូមិកំពង់ឡ ឃុំកំពង់ពោធិ៍ ស្រុកក្រគរ បាន០១ករណី នេសាទដោយឧបករណ៍ របាំងសាច់អួនក្រឡាល្អិត វត្ថុតាងរុះរើបំផ្លាញចោលមាន : របាំងសាច់អួនក្រឡាល្អិត០២ខ្សែប្រវែង៤២០ម៉ែត្រ-បរចំនួន០៥គ្រឿង-បង្គោលចំរ៉ឹង ៦៥ដើម និង ចាក់លែងកូនត្រីចំរុះចំនួន១៥គ.ក្រ ។