ព្រះវិហារ៖ ឈើលេខ1ប្រភេទឈើកកោះនឹងឈើព ពេលសន្និឆិទុកចោលក្នុងព្រៃ ក្រោយផ្ទះប្រជាជន នៅភូមិពោធិទៀប ឃុំម្លូព្រៃ1 ស្រុកឆែប ខេត្តព្រះវិហារ ចំនួន93សន្លឹក ស្មើ2ម៉ែត្រគុប 622 ត្រូវបានលោក សេង លាង នាយផ្នែករដ្ឋបាលព្រៃឈើឆែប ចុះបង្ក្រាបប្រតិបត្តិការនេះបានធ្វើលើងកាលពីព្រឹកថ្ងៃទី26 ខែកក្តដា ឆ្នាំ2022 ដោយមានការចូលរួមពីកម្លាំងអាវុធហត្ថស្រុក លោកអនុភូមិ ពោធិទៀប លោកជំទប់ទី1 ឃុំ ម្លូព្រៃ1 កម្លាំងនគរបាលប៉ុស្តិម្លូព្រៃ1 នឹងមានការសម្របសម្រួលពីលោក ថុល គឹមហឹង ព្រះរាជអាជ្ញារងអមសាលាដំបូងខេត្តព្រះវិហារ ផងដែរ ។
លោក សេង លាង បានអោយដឹងថា ក្រោយពីទទួលបានសេចក្តីរាយការណ៍របស់ប្រជាពលរដ្ឋនៅភូមិពោធិ៍ទៀប នឹងដោយមានការចង្អុលបង្ហាញពីសំណាក់លោក ពឹង ទ្រីដា ប្រធានមន្ទីរកសិកម្មរុក្ខាប្រម៉ាញ់នឹងនេសាទខេត្តព្រះវិហារ នឹង បទបញ្ជារបស់លោកនួន សុខុម នាយខណ្ឌ័រដ្ឋបាលព្រៃឈើព្រះវិហារ លោកបានដឹកនាំកម្លាំងចម្រុះចុះទៅដល់ទីតាំងស្តុកឈើ បានធ្វើការរឹបអូសឈើទាំងនោះយកមករក្សាទុកបណ្តោះអាសន្ននៅថ្នាលបណ្តុះកូនឈើឆែប ដើម្បីចាត់ការទៅតាមច្បាប់លោក សេង លាង បានបន្តអោយដឹងថា កន្លងទៅផ្នែករដ្ឋបាលព្រៃឈើឆែប បានយកចិត្តទុកដាក់ខ្ពស់បំផុតចំពោះការការពារនឹងបង្ក្រាបបទល្មើសធនធានធម្មជាតិ ទោះបីក្រុមឈ្មួញលួចបន្លំគ្រប់រូបភាព ក៍នៅតែសមត្ថកិច្ចរដ្ឋបាលព្រៃឈើបង្ក្រាបបានជាហូរហែ ដូចពាក្យចាស់ពោលថា កុកអាចភ្លេចជុងតែជុងមិនអាចភ្លេចកុកលើយ ។
សូមបញ្ជាក់ជូនផងដែរថា ខណ្ឌ័រដ្ឋបាលព្រៃឈើខេត្តព្រៈវិហារ ក្រោមការដឹកនាំបញ្ជាផ្ទាល់ពីលោក នួនសុខុម នឹងផ្នែកទាំង4 បានយកចិត្តទុកដាក់អនុវត្តន៍តួនាទីភារកិច្ច តាមប្រសាសន៍ណែនាំរបស់លោកពឹង ទ្រីដា ប្រធានមន្ទីរកសិកម្មរុក្ខាប្រម៉ាញ់នឹងនេសាទខេត្ត ពិសេសបទបញ្ជារបស់ឯកឧត្តម ប្រាក់ សុវណ្ពអភិបាលនៃគណៈអភិបាលខេត្តព្រះវិហារ អោយកម្លាំងជំនាញសហការជាមួយកម្លាំងសមត្ថកិច្ចពាក់ពន្ឋ័ ធ្វើការទប់ស្កាត់នឹងបង្ក្រាបបទល្មើសព្រៃឈើនៅក្នុងខេត្តព្រះវិហារ អោយមានប្រសិទ្ឋភាព ។ដោយ ខៀវ ផល្លា