ថ្ងៃច័ន្ទ ទី០៨ ខែសីហា ឆ្នាំ២០៥០
ទូរទស្សន៍ ស្លឹករឹត SRTV ONLINE ផ្តល់ព័ត៌មានពិតឥតលំអៀង សូមជួយរិះគន់ស្ថាបនាសង្គមជាតិយើងទាំងអស់គ្នា ទំនាក់ទំនងផ្តល់ព័ត៌មាន និង ផ្សព្វផ្សាយពាណិជ្ជកម្ម: 097 85 20008/012 804 979/016 62 45 66។ សូមជួយលើកទឹកចិត្តក្រុមការងារខ្ញុំបាទតាមរយះ ABA:0017 68 342 (SUN SOEU)
អាជ្ញាធរខេត្តក្រចេះ បានពន្យល់ណែនាំបងប្អូនប្រជាពលរដ្ឋឱ្យបញ្ឈប់សកម្មភាពចូលកាប់ទន្រ្ទានយកដីរដ្ឋយ៉ាងអាណាធិបតេយ្យបន្តទៀត
Tue,26 July 2022 (Time 11:52 AM)
ដោយ ៖ SRTV ONLINE (ចំនួនអ្នកអាន: 68នាក់)

ក្រចេះ៖ នារសៀលថ្ងៃទី២៥ ខែកក្កដា ឆ្នាំ២០២២នេះ អាជ្ញាធរខេត្តដឹកនាំដោយ លោកបណ្ឌិត កៅ ម៉ាឌីឡែន ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត តំណាងឯកឧត្តម វ៉ា ថន អភិបាលខេត្តក្រចេះ បានជួបពន្យល់ណែនាំបងប្អូនប្រជាពលរដ្ឋប្រមាណជា ៦០នាក់ ដែលបានឡេីងមកតវ៉ានៅមុខសាលាខេត្តក្រចេះ និងបានស្នេីសុំឱ្យឯកឧត្ដមអភិបាលខេត្តក្រចេះ ធ្វេីកាវាស់វែងកាត់ឆ្វៀលដីដែលពួកគាត់បានទន្ទ្រានហ៊ុព័ទ្ធយកដីរបស់រដ្ឋ ក្នុងទីតាំងដីសម្បទានសេដ្ឋកិច្ចរបស់ក្រុមហ៊ុន ស៉ី អេច ភី ប៊ី ឌីវេឡុបមេន ស្ថិតនៅឃុំកំពង់ចាម ឃុំវឌ្ឍនៈ ស្រុកសំបូរ និងឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ នៅសាលប្រជុំក្រុមប្រឹក្សាខេត្តក្រចេះ។
ក្នុងនោះដែរ លោកបណ្ឌិត កៅ ម៉ាឌីឡែន បានមានប្រសាសន៍ថា ទីតាំងដីដែលបងប្អូនប្រជាពលរដ្ឋស្នើសុំវាស់វែងកាត់ឆ្វៀលនោះ អាជ្ញាធរខេត្ត មិនអាចកាត់ឆ្វៀលដីនោះបន្តទៀតបានទេ ដោយទីតាំងនោះមុនឆ្នាំ២០០៨ មានទំហំដីសរុប ១២,២០០.២៩ហិកតា មុននឹងរាជរដ្ឋាភិបាលប្រគល់សិទ្ធិវិនិយោគ ជាដីសម្បទានសេដ្ឋកិច្ចជូនក្រុមហ៊ុន ស៊ី អេច ភី ប៊ី ឌីវេឡុបមេន ក្រុមការងារចម្រុះថ្នាក់ជាតិ-ថ្នាក់ខេត្ត បានចុះសិក្សា និងកាត់ឆ្វៀលផលប៉ះពាល់រួចរាល់ នៅសល់ផ្ទៃដីទំហំ ៨.៦៨៦ ហិកតា សម្រាប់ផ្តល់សិទ្ធិវិនិយោគជូនក្រុមហ៊ុនតាមលិខិតលេខ៥១០ សជណ. ចុះថ្ងៃទី១១ ខែមេសា ឆ្នាំ២០០៨ របស់ទីស្តីការគណៈរដ្ឋមន្ត្រី។ នាអំឡុងយុទ្ធនាការអនុវត្តបទបញ្ជាលេខ០១បប បានចុះវាស់វែង និងផ្ដល់ប័ណ្ណកម្មសិទ្ធិជូនប្រជាពលរដ្ឋអស់ផ្ទៃដីទំហំ២,០០៨.៨៤ហិកតា។ ក្រោយពីបញ្ចប់បទបញ្ជា០១បប ប្រជាពលរដ្ឋបានបន្តចូលកាន់កាប់ អស់ផ្ទៃដីមួយភាគធំ។ កន្លងទៅថ្មីៗនេះ អាជ្ញាធរមានសមត្ថកិច្ចនិងមន្ទីរជំនាញបានចុះកាត់ផលប៉ះពាល់របស់ប្រជាពលរដ្ឋរួចហើយ។
លោកបណ្ឌិត បានបន្ថែមទៀតថា ផ្ទៃដីដែលនៅសល់គឺជាដីព្រៃមិនទាន់មានការប្រើប្រាស់ និងដីដែលក្រុមហ៊ុនបានឈូសឆាយដាំដុះ ទំហំ ២,៦៨៦.៨៦ហិកតា បានកាយក្រវ៉ាត់ព្រំរួច ដើម្បីចុះបញ្ជីជាដីឯកជនរបស់រដ្ឋ។
លោកបណ្ឌិត កៅ ម៉ាឌីឡែន ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តក្រចេះ បានធ្វើការអំពាវនាវដល់បងប្អូនប្រជាពលរដ្ឋឱ្យឈប់ជឿលេីការញុះញង់របស់មេខ្យល់ ដែលគៀងគរឲ្យចូលទៅកាប់ទន្រ្ទានហ៊ុព័ទ្ធយកដីរបស់រដ្ឋ ដោយខុសច្បាប់បន្តទៀត ហេីយប្រសិនបើបងប្អូនណាខ្វះខាតដី ឬអត់ដី សម្រាប់ប្រកបរបរកសិកម្មជាលក្ខណៈគ្រួសារពិតប្រាកដ សូមអញ្ជើញទៅដាក់ពាក្យស្នើសុំដីសម្បទានសង្គមកិច្ច នៅតាមភូមិឃុំសាម៉ីដែលខ្លួនរស់នៅ តាមខ្លឹមសារឆ្លើយតប លេខ០៨៧ ចុះថ្ងៃទី០៥ ខែកក្កដា ឆ្នាំ២០២២ របស់រដ្ឋបាលខេត្ត៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ខ្មែរថ្ងៃនេះ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ខ្មែរថ្ងៃនេះ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ខ្មែរថ្ងៃនេះ)

វីដែអូ