(បាត់ដំបងស្រុកសំពៅលូន) ៖ សមត្ថកិច្ចឃាត់ខ្លួនពលរដ្ឋខ្មែរប្រុសស្រី៥នាក់នឹងមេខ្យល២នាក់បំរ៉ុងលួចឆ្លងដែន ទៅប្រទេសថៃដោយខុសច្បាប់ទាំងកណ្តាលយប់វេលាម៉ោង២និង៣០នាទី ថ្ងៃទី៣០ ខែមិថុនា ឆ្នាំ២០២២ ស្ថិតនៅចំណុចរបៀងចំនោជាយដែនមួយកន្លែង ស្ថិតនៅក្នុងភូមិសាស្ត្រ ឃុំសាស្ត ស្រុកសំពៅលូន ខេត្តបាត់ដំបង។ប្រភពពីនគរបាលការពារព្រំដែនគោក៨១៧ បានឲ្យដឹងថា ដោយអនុវត្តន៍ យ៉ាងម៉ឹងម៉ាត់តាមបទបញ្ជាលោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ក្រោមការដឹកនាំបញ្ជាដោយផ្ទាល់របស់ លោកវរសេនីយ៍ឯក ម៉ុង ស៊ី មេបញ្ជាការវរសេនាតូចនគរបាលការពារព្រំដែនគោកលេខ៨១៧ កម្លាំងប៉ុស្តិ៍កូនភ្នំដឹកនាំដោយ លោកវរសេនីយ៍ត្រី ខៀវ ផាត នាយប៉ុស្តិ៍ស្ដីទីនគរបាលការពារព្រំដែនគោកនៃវរសេនាតូចលេខ៨១៧ សហការជាមួយ កម្លាំងយោធាកងពល៥៣៣ បានទប់ស្កាត់ប្រជាពលរដ្ឋបម្រុងលួចឆ្លងដែនខុសច្បាប់ទៅប្រទេសថៃចំនួន ០៥នាក់ នឹងមេខ្យល់២នាក់ក្នុងនោះមាន(ស្រី០៣នាក់ កុមារ០១នាក់)។បន្ទាប់ពីសួរនាំពួកគាត់បានប្រាប់ថា ពួកគាត់មានបំណងចង់លួចឆ្លងដែនចូលទៅកាន់ទឹកដីថៃដោយខុសច្បាប់ពិតប្រាកដមែន ដោយពួកគាត់ទៅរកការងារធ្វើ។ ពួកគាត់បានបញ្ជាក់ផងដែរថា ពួកគាត់ជារស់នៅខេត្តបាត់ដំបងផងដែរ។សមត្ថកិច្ចដដែលបញ្ជាក់ថា ក្រោយពីសួរនាំរួច ត្រូវអប់រំឲ្យពួកគាត់ធ្វើកិច្ចសន្យា បញ្ឈប់ការចាញ់បោកមេខ្យល់ និងកុំឲ្យលួចឆ្លងដែនដោយខុសច្បាប់ទៀត រួចបានប្រគល់ពួកគាត់ទៅផ្នែកជំនាញរបស់អធិការដ្ឋាននគរបាលស្រុកសំពៅលូននៅម៉ោង៧នឹង៣០នាទីព្រឹកដើម្បីចាត់ការតាមវិធានការបន្ត៕(ដោយករុណា)
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ