ភ្នំពេញ ៖ មួយរយៈកន្លងមកនេះគេសង្កេតឃេីញថា មានបទល្មេីសលួច ឆក់ ប្លន់ កេីតឡេីងជាញឹកញាប់ក្នុងរាជធានីភ្នំពេញ ជាពិសេសនៅក្នុងមូលដ្ឋានខណ្ឌមានជ័យតែម្ដង ដែលបទល្មេីសទាំងនេះគឺកេីតចេញពីបនល្បែងសុីសង បង្កប់នៅក្នុងទីតាំងអុីនធើរណេត និងហ្គេមបាញ់ត្រី ហេីយឥឡូវនេះក៏មានទីតាំងណេតយីហោ DB188 មួយកន្លែងនៅជាប់ក្លោងទ្វារវត្តសន្សំកុសល តាមបណ្ដោយផ្លូវលេខ២៧១ ក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ គឺស្ថិតនៅច្រកចូលទៅប៉ុស្តិ៍រដ្ឋបាលសង្កាត់បឹងទំពន់ទី១តែម្តង កំពុងបេីកដំណេីរការបានទាំងយប់ទាំងថ្ងៃ 24h ដោយបង្កប់ល្បែងភ្នាល់បាល់តាមអនឡាញយ៉ាងរលូន ។ដូច្នេះហេីយទើបពលរដ្ឋមានការព្រួយបារម្ភ និងទទូចស្នេីឱ្យអាជ្ញាធរមានសមត្ថកិច្ចខណ្ឌមានជ័យ ដែលមានលោក វរសេនីយ៍ទោ អ៊ុក បូនីន អធិការខណ្ឌទេីបឡេីងកាន់តំណែងថ្មីៗ ជួយបេីកការស្រាវជ្រាវឆ្មក់បង្ក្រាបទីតាំងខាងលេីនេះផង ដេីម្បីចូលរួមបង្ការ ទប់ស្កាត់នៃការឆ្លងរីករាលដាលជំងឺកូវីដ-១៩បម្លែងថ្មីអូមីក្រុង និងដេីម្បីភូមិ សង្កាត់ ខណ្ឌ គ្មានអំពេីចោរកម្ម លួច ឆក់ ប្លន់ ក្នុងមូលដ្ឋាន ។ពាក់ព័ន្ធនឹងទីតាំងដែលបង្កប់ល្បែងសុីសងខុសច្បាប់ខាងលេីនេះកាលពីរសៀល ថ្ងៃទី២២ ខែមិនា វេលាម៉ោង២និង២៧ នាទីអ្នកសារព័ត៌មានយើងបានទូរស័ព្ទទៅមេប៉ុស្តិ៍សង្កាត់បឹងទំពន់ទី១ ដើម្បីសាកសួរបញ្ហាល្បែងសុីសងមួយកន្លែងនេះ លោកមេប៉ុស្តិ៍រូបឆ្លើយថាគាត់អត់ដឹងអីផងការនិយាយឲ្យរួចពីដៃរបៀបនេះប្រជាពលរដ្ឋឆ្ងល់ថាបនល្បែងសុីសងបើកលេងនៅច្រកចូលទៅប៉ុស្តិ៍បឹងទំពន់ទី១ ប្រហែល៥០០ម៉ែត្របែរជាមេប៉ុស្តិ៍ម្នាក់នេះធ្វើគធ្វើថ្លង់និយាយថាអត់ដឹងទៅវិញឆ្កុយ! តើវាទំនងទេលោក នាយប៉ុស្តិ៍រដ្ឋបាលបឹងទំពន់ទី១ដ៏មហិមាអើយបើលោក ធ្វើមិនកើតទេចុះចេញទៅទង្វើមិនទទួលខុសត្រូវរបៀបនេះតើឲ្យប្រជាពលរដ្ឋទៅសង្ឃឹមអ្វីទៅ។ចំណែកលោកវរសេនីយ៍ទោ អ៊ុក បូនីន អធិការនគរបាលខណ្ឌមានជ័យកាលពីរសៀលថ្ងៃដដែល បាននិយាយតាមទូរស័ព្ទយ៉ាងខ្លីហាក់ដូចមិនដឹងថាមានអ្វីកើតឡើងដែរលោកបានទទួលហើយសួរថាមានការទៀតក៏បិតទូរស័ព្ទទៅ។គួររំលឹកថា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏ធ្លាប់បានដាក់បទបញ្ជាឱ្យមន្ត្រីនគរបាលដែលពាក់ពន្ធ័នៅក្រោមឱវាទត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដោយរាជរដ្ឋាភិបាលបានខិតខំលុបបំបាត់ល្បែងស៊ីសង បញ្ហាគ្រឿង ញៀន។ល។ ព្រោះថា បញ្ហាអសន្តិសុខ ឆក់ ប្លន់ ក៏ដូចជាអំពើហិង្សាក្នុងគ្រួសារ កើតឡើងដោយសារតែការលេងល្បែងសុីសង។ដើម្បីធានាឱ្យបាននូវសន្តិសុខ សណ្តាប់ធ្នាប់ ភាពសុខសាន្តជូនប្រជាពលរដ្ឋ ស្របតាមទិសស្លោក «រាជរដ្ឋាភិបាល លើយន្តការអនុវត្តគោលនយោបាយភូមិ-សង្កាត់មានសុវត្ថិភាព»គឺមានតែអាជ្ញាធរនិងសមត្ថកិច្ចបង្ក្រាបឱ្យអស់នូវល្បែងសុីសងខុសច្បាប់៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ