ខេត្តបាត់ដំបង៖ ថ្ងៃទី២២ ខែកុម្ភៈ ឆ្នាំ២០២២ លោកវរសេនីយ៍ឯក ភើយ លំអង មេបញ្ជាការរង នាយសេនាធិការ និងលោកស្រីវរសេនីយ៍ឯក អៀង ច័ន្ទធី មេបញ្ជាការរង តំបន់ប្រតិបត្តិការសឹករងបាត់ដំបង អញ្ជើញប្រគល់ថវិកាលំហែមាតុភាពយុទ្ធនារី (សម្រាលកូន) ចំនួន ២នាក់ ដែលកំពុងបំរើការនៅ តំបន់ប្រតិបត្តិការសឹករងបាត់ដំបង ១.លោកស្រីអនុសេនីយ៍ឯក ភី សម្ផស្ស មុខងារ ជំនួយការ លេខាធិការដ្ឋាន ២.លោកស្រីព្រិន្ទបាលឯក សុន រតនាវត្តី មុខងារ បុគ្គលិក ការិយាល័យទី១ ដោយក្នុងម្នាក់ៗទទួលបានថវិកាចំនួន ៨០០.០០០រៀល ដែលជាថវិកាគោលនយោបាយគាំពារ ស្ត្រីមានផ្ទៃពោះរបស់រាជរដ្ឋាភិបាល។ ពិធីនេះបានប្រារព្ធធ្វើនៅទីបញ្ជាការ តំបន់ប្រតិបត្តិការសឹករងបាត់ដំបង។លោកមេបញ្ជាការរង នាយសេនាធិការ បានមានប្រសាសន៍ ពាំនាំការសួរសុខទុក្ខពីសំណាក់លោកឧត្តមសេនីយ៍ត្រី ហួម ខ្វែក មេបញ្ជាការ ជូនចំពោះយោធិននារីទាំងអស់ និងបានអបអរសាទរចំពោះការទទួលបានសមាជិកថ្មីក្នុងគ្រួសារបន្ថែមទៀត និងបានផ្ដាំផ្ញើ យោធិននារីទាំងអស់ឲ្យរក្សាអនាម័យក៏ដូចជាអនុវត្តន៍ឲ្យបានត្រឹមត្រូវតាមវិធានការនានារបស់ក្រសួងសុខាភិបាលដើម្បីឲ្យឆ្លងផុតពីការចម្លងជំងឺកូវីដ-១៩។ស្ថិតក្នុងឱកាសនោះ យោធិននារីទាំងអស់បានថ្លែងអំណរគុណយ៉ាងជ្រាលជ្រៅជូនចំពោះប្រមុខរាជរដ្ឋាភិបាលកម្ពុជាដែលមាន សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តែងតែបានយកចិត្តទុក្ខដាក់ និងគិតគូរពីការសុខទុក្ខរបស់យោធិន និងលោកមេបញ្ជាការ ដែលបានឆ្លៀតឱកាសអញ្ជើញជួបសួរសុខទុក្ខ និងនាំយកថវិការបស់រាជរដ្ឋាភិបាល មកផ្ដល់ជូនពួកគាត់សម្រាប់ដោះស្រាយការលំបាកនាពេលនេះ៕(ដោយករុណា)
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ