សត្វផ្សោតនៅអន្លង់កោះឈើទាលមួយក្បាល មានប្រវែង ២ម៉ែត្រ៣០ ទម្ងន់ជាង១០០គីឡូក្រាមបានស្លាប់នៅថ្ងៃទី១៥កុម្ភៈ បន្ទាប់កន្ទុយជាប់មងដេញចាប់ត្រីធ្វើជាអាហារមិនបានអស់រយៈពេលជាងមួយខែកន្លងមក ចំណែកការជួយសង្គ្រោះមន្ត្រីជំនាញក៍ធ្វើមិនបាន។ ក្នុងសកម្មភាពនាំយកសាកសព្វសត្វផ្សោតដែលបានស្លាប់នៅអន្លង់កោះឈើទាលក្នុងឃុំព្រះរំកិលស្រុកបុរីអូរស្វាយសែនជ័យខេត្តស្ទឹងត្រែងលោកផយវណ្ណាសមាជិកសហគមន៍អេកូទេសចរណ៍ផ្សោតព្រះរំកិលបានសំដែងទាំងការសោគស្តាយថា៖ សត្វផ្សោតដ៍កម្រនៅអន្លង់ អន្តរប្រទេស កម្ពុជាឡាវ ត្រូវបានស្លាប់ផុតពូជ តែម្តងនៅថ្ងៃទី១៥កុម្ភៈឆ្នាំ២០២២។ លោកបញ្ជាក់ថា៖នេះក៍ដោយសារតែកន្ទុយវាជាប់មងជាង៦ម៉ែត្រហែលចាប់ចំណីមិនបានអស់រយៈពេលជាងមួយខែកន្លងមក និងធ្វើឱ្យខ្លួនវាដំបៅ រស់ក្នុងស្ថានភាពស្គមស្គាំងតែម្តង។ លោកផាន់ឃឿន ភ្ញៀវទេសចរមកពីខេត្តព្រះវិហារ និងភ្ញៀវជាច្រើនទៀត បាននាំគ្នារិះគន់ទៅលើមន្ត្រីជំនាញ និងអង្គការ wws ថាមិនបាននាំគ្នាជួយរកមធ្យោបាយសង្គ្រោះជីវិតសត្វផ្សោតមួយនេះទេ គឺបណ្តោយទុកឱ្យវាស្លាប់ទាំងវេទនា និងទាំងការឈឹចាប់រកអ្វីប្រៀបផ្ទឹមពុំបាន ទោះបីថា វាជាសត្វ ក៍ដោយ ក៍វាត្រូវការជីវិតរស់នៅដូចមនុស្សយើងដែរ។ លោកទំនីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែងបានបញ្ជាក់ថា៖ករណីនេះ ដោយសារតែខាងភាគីឡាវ នៅជិតតំបន់អន្លង់អភិរក្សផ្សោតមិនបានចូលរួមអភិរក្សទេ ព្រោះមានអ្នកនេសាទចេះតែមកដាក់មង ដោយមិនគិតពីផលប៉ះពាល់មកដល់សត្វផ្សោតដែលបានផ្តល់ផលប្រយោជន៍ទាំងសង់ខាងគ្នានោះ ។ លោកបន្តថា ៖ ការបាត់បង់សត្វផ្សោតនេះ និងធ្វើឱ្យរមណីយដ្ឋានទេសចរណ៍របស់កម្ពុជាយើងឈានទៅបាត់បង់ភ្ញៀវទេសចរនៅថ្ងៃអនាគត។ សូមបញ្ជាក់ថា ៖ ទន្ទឹមនិងការសោកស្ដាយចំពោះសត្វផ្សោតដ៍កម្រនេះប្រជាសហគមន៍រមណីយដ្ឋានអេកូទេសចរណ៍ព្រះរំកិល និងនាំគ្នា និមន្តព្រះសង្ឃមកធ្វើពិធីបុណ្យបង្សុកូលនៅថ្ងៃទី១៦កុម្ភៈ ដើម្បីឧទ្ទិសដល់សត្វផ្សោតចុងក្រោយ បង្ហាញពីការអាណិតអាសូរនិងស្រឡាញ់ធនធានសម្បតិ្តធម្មជាតិដ៍កម្រដែលត្រូវបាត់បង់ជារៀងរហូតចេញពីតំបន់នេះ។
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ