ខេត្តកំពត៖ កាលពីថ្ងៃទី 24 ខែ 6 ឆ្នាំ 2021 លោក ហោ ភាច នាយរងអធិការខាងជើងបឹងទន្លេសាប បានបញ្ជាឲ្យ កម្លាំងជំនាញ រដ្ឋបាលព្រៃឈើ ស្ទាក់ចាប់ឡានវេអង ដែលបានដឹកឈើចេញពី តំបន់អូរងាវក្នុងដែនព្រៃឡង់ ចេញឆ្លងកាត់ ឃុំទំរីង ឆ្ពោះទៅដាក់ នៅឯខេត្តកំពត។បើតាមប្រភពព័ត៌មានបាន បញ្ជាក់ឲ្យដឹងថា ឡានវេអងនេះ បានប្រើរូបភាពបន្លំភ្នែកសមត្ថកិច្ច ដាក់ឈើថ្មី ពីក្រោម ហើយ ទិញឈើចាស់ៗដាក់គ្របពីលើ ដើម្បី បំភ័ន្ត ភ្នែកសមត្ថកិច្ច នៅតាមដងផ្លូវ រូបភាពនេះ គឺក្រុមឈ្មួញបានរកស៊ីកាក់កប ជាច្រើនឆ្នាំមកហើយ។
ដោយគេត្រូវ ជាមួយនឹងសមត្ថកិច្ច មួយចំនួនតូចនៅមូលដ្ឋាន រួចហើយធ្វើចរាចរណ៍ បាន យ៉ាងរលូន។
សូមបញ្ជាក់ផងដែរថា ចំណុចអូងាវ គឺជាផ្លូវ ដែល នៅក្នុងភូមិសាស្ត្រ ដែនព្រៃឡង់ ដែលជាព្រៃការពារ ដោយមន្ត្រីបរិស្ថាន យ៉ាងហ្មត់ចត់ជាទីបំផុត ហេតុអ្វី បានជាសកម្មភាព ការលើកឈើដាក់ នៅក្នុងឡានវេអង ដឹកចេញបាន យ៉ាងស្រួលដូច្នេះទៅវិញ នេះជាការលើកឡើងរបស់មហាជននិងប្រជាពលរដ្ឋ។
បើយោងទៅលើប្រភពព័ត៌មានពីប្រជាពលរដ្ឋបានបញ្ជាក់ឲ្យដឹងថា ឡានវេអង ដែលធ្វើសកម្មភាពដឹកឈើ បន្លំភ្នែកសមត្ថកិច្ចនេះ គឺជាឡានឈ្មោះត្រា អតីតជាអ្នករកស៊ីឈើយ៉ាងសកម្មនៅតំបន់អូរងាវនេះ ហើយក៏បាត់មុខមួយរយៈពេលកន្លងមក ទើបពេលនេះឃើញលេចមុខមកសារជាថ្មីហើយបានសហការគ្នាជាមួយនឹងឈ្មោះ ហៅថា តានិត បានចាប់ដៃគូរសហការ យ៉ាងល្អប្រសើរ ជាមួយនឹងសមត្ថកិច្ច ដែលពាក់ព័ន្ធនៅ តំបន់ខាងលើ ធ្វើសកម្មភាពដឹក ឈើទាំងអស់នេះទៅលក់នៅឯទីផ្សារក្នុងខេត្តកំពតយកប្រាក់ចំណេញយ៉ាងក្រាស់ក្រែលមកចែកឲ្យមន្ត្រីដែល ពួកគាត់បានសន្យា ថានឹងចែកភាគផលគ្នា ឲ្យបានសមរម្យ ជាទីបំផុត។
តែរហូតមកដល់ពេលនេះយើងមិនទាន់អាចទាកទងមន្ត្រីអធិការរដ្ឋបាលព្រៃឈើខាងជើងបឹងទន្លេសាបដើម្បីសុំកាបំភ្លឺបានទេ ដោយសារយើងបានទាកទងទៅលាកហោ ភាច មិនលើកទូរសព្វ័អ្នកសារព័ត៌មានឡើយ។