ខេត្តកោះកុង ៖ ដីព្រៃជាច្រើនហិចតា ដែលជាដីអភិរក្សជីវចំរុះ ស្ថិតក្នុងតំបន់ប្រើប្រាស់ច្រើនយ៉ាងដងពែង កំពុងរងការកាប់បំផ្លាញ់ពីសំណាក់ជនខិចខូចស្ទើរតែរាងរាល់ថ្ងៃ។ប្រភពពីប្រជាពលរដ្ឋដែលរស់នៅក្នុងភូមិព្រលាន ឃុំកណ្តោល ស្រុកបូទុមសាគរ ខេត្តកោះកុងបានរាយការណ៍មកថា ដីព្រៃលិចទឹកនៅរដូវវស្សា ប្រភេទដើមស្មាច់ ជាច្រើនហិចតាកំពុងត្រូវបានជនជនខិលខូចដាក់កម្មកររាប់សិបនាក់ ចូលទៅធ្វើសកម្មភាពកាប់បំផ្លាញ់ រុករាន និងទន្រ្ទាន់យកដីធ្វើជាសកម្មសិទ្ធស្ទើតែរាងរាល់ថ្ងៃ ដោយមិនញញើតកោតក្រែងអាជ្ញាធរ និងមន្ត្រីជំនាញបរិស្ថានបន្តិចសោះឡើយ។ ក្រោយពីទទួលដំណឹងនេះអ្នកសារព័ត៍មានយើងបានចុះទៅដល់ទីតាំងជាក់ស្តែង ពិនិត្យឃើញថាពិតជាមានការកាប់បំផ្លាញ់ធនធានធម្មជាតិ រុករាន និងទន្រ្ទាន់យកដីនៅក្នុងតំបន់អភិរក្សជីវរុះធ្វើជាសកម្មសិទ្ធយ៉ាងពិតប្រាកដមែន។
ជុំវិញករណីនេះ លោក ទន់ ថាន ប្រធានបរិស្ថានស្រុកស្រែអំបិល បានឆ្លើយប្រាប់អ្នកសារព័ត៍មាននៅថ្ងៃទី៣ ខែមេសា ឆ្នាំ២០២១ នេះថា លោកមិនបានដឹងរឿងនេះទេ អោយសួរទៅកាន់លោកប្រធានស្នាក់ការនៅតំបន់នោះដោយផ្ទាល់ទើបដឹង ។
ចំណែកលោកប្រធានស្នាក់ការល្បាត់កណ្តាល ប្រចាំនៅតំបន់ប្រើប្រាស់ច្រើនយ៉ាងដងពែងវិញបានលើកឡើងថា ករណីនេះលោកបានធ្វើសេចក្តីរាយការណ៍ទៅថ្នាក់លើរួចរាល់អស់ហើយ ខាងលោកកំពុងធ្វើការស្រាវជ្រាវរកមេក្តោងដែលដាក់កម្មករចូលទៅធ្វើសកម្មភាពកាប់បំផ្លាញ់ រុករាន និងទន្រ្ទាន់យកដីធ្វើជាសកម្មសិទ្ធខាងលើនេះ។
ប្រជាពលរដ្ឋ និងមហាជនមានការងើយឆ្ងល់ថា ទីតាំងដែលគេកាប់បំផ្លាញ់នោះនៅមិនឆ្ងាយប៉ុន្មានពីទីស្នាក់ការបរិស្ថានទេ ពោលគឺប្រហែលជា ៣០០ម៉ែត្រប៉ុណ្ណោះ ហេតុអីក៏មន្ត្រី បរិស្ថានទាំងនោះបែរជាមិនដឹងថាគេចូលទៅកាប់ព្រៃអញ្ចឹង ? ឬមួយក៏មន្រ្តីបរិស្ថាន និងអាជ្ញាធរត្រូវបានគេសែនព្រេនរួចអស់ទៅហើយ? ទោះជាយ៉ាងណាក៏ដោយយើងសង្ឃឹមថាជនខិលខូចទាំងនោះ នឹងត្រូវបានចាប់យកមកផ្តន្ទាទោសតាមច្បាប់នៅពេលខាងមុខដ៏ខ្លីនេះទៅចុះ។ទំនាក់ទំនងផ្តល់ព័ត៍មាន ៖ 016/012 399 033