បន្ទាយមានជ័យ ៖ នៅល្ងាចថ្ងៃអាទិត្យ ៧រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹង ថ្ងៃទី០៤ ខែមេសា ឆ្នាំ២០២១នេះ ភ្លៀងធ្លាក់មួយមេធំ លាយឡំនងខ្យល់កន្រ្តាក់បានបោកបាក់ ផ្សារជាប់អគារ ប៉ារ៉ាមិច ( PARA MAX ) ទល់មុខផ្សាររាត្រីបាញ់ទឹក និងផ្សារដើមស្រល់ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យបណ្ដាលឱ្យរងការខូចខាត តូបស្ទើរទាំងស្រុង ។ ក្រោយ បាតុភូតធម្មជាតិ ធ្វើឱ្យខូចខាតទ្រព្យសម្បិត្តបងប្អូនប្រជាពលរដ្ឋ បន្ទាប់ពី ទទួលព័ត៌មាននេះភ្លាម ឯកឧត្តម ង៉ោ ម៉េងជ្រួន អភិបាលរង នៃគណៈអភិបាលខេត្តបន្ទាយមានជ័យ និងលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត អមដំណើរដោយលោក ភោគ លន ចៅសង្កាត់ នៃសង្កាត់ប៉ោយប៉ែត បានអញ្ជើញចុះពិនិត្យដល់ទីតាំងដែលបានរងការខូចខាត ស្ទើរទាំងស្រុងដោយសារឥទ្ធិពលភ្លៀងមួយមេធំលាយឡំខ្យល់កន្រ្តាក់ដែលបានបោកបាក់តូបក្នុងផ្សារស្ទើររាបស្មើដី ។ សូមបញ្ជាក់ថា បាតុភូតធម្មជាតិ ( ភ្លៀងធ្លាក់មួយមេធំ លាយឡំនឹងខ្យល់កន្រ្តាក់ បណ្ដាលឱ្យ បាក់រោងនិងតូបផ្សារ នាល្ងាចនេះ បានបណ្តាលឱ្យមនុស្សចំនួន៥នាក់ រងរបួស និងមិនបណ្តាលឱ្យបាត់បង់ជីវិតមនុស្សនោះឡើយ ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ