(ខេត្តប៉ៃលិន )៖ បុរសម្នាក់ ជាប្រជាការពារភូមិ នៅរស់មានជីវិត ដោយរងរបួសធ្ងន់ធ្ងរ បន្ទាប់ពីបាត់ខ្លួនអស់រយ:ពេល៣ថ្ងៃយប់ ហើយត្រូវបានអ្នកភូមិ ដើររកឃើញនៅលើភ្នំត្រប់ ត្រូវបានដើមឈើ១ដើមធំ រលំសង្កត់ចំពីលើពាក់កណ្តាលខ្លួនផ្នែកខាងក្រោម ខណ:ជនរងគ្រោះឡើងទៅអារដើមឈើពេលកំពង់អារឈើត្រូវឈើ រលំគេចមិនទាន់ ក៏សង្កត់ជាប់នៅនិងកន្លែង។
ប្រភពបានឲ្យដឹងថា÷ក្រោយពេលក្រុមគ្រួសារ និងអ្នកភូមិដើររកឃើញ ក៏ប្រញាប់ដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។ ជនរងគ្រោះ
មានសភាពធ្ងន់ពេកលោកគ្រូពេទ្យក៏បញ្ជូ នៅបន្ត ទៅពេទ្យបាត់ដំបង តែជាអកុសលអី ដោយជនរងគ្រោះក្នុងសភាពរបួសធ្ងន់ធ្ងរពេក ជនរងគ្រោះបានស្លាប់បាត់បង់ជីវិតនៅមន្ទីរពេទ្យខេត្តបាត់ដំបង ។
ហេតុការណ៍ប្រជាការពារភូមិម្នាក់បានស្លាប់ ក្រោយពីត្រូវដើមឈើរលំសង្កត់លើនេះ បានកើតឡើងកាលពីវេលាម៉ោង ១២ និង០០នាទីអធ្រាត្រថ្ងៃទី១៨ ខែមេសា ឆ្នាំ២០២១ ។
ប្រភពព័ត៌មានពីអាជ្ញាធរមូលដ្ឋាន បានឱ្យដឹងថា ៖ ជនរងគ្រោះ មាន ឈ្មោះ ជិន ម៉ាលីន ភេទប្រុស អាយុ៣៩ឆ្នាំ ជាប្រជាការពារភូមិ មានកូន៣នាក់ក្នុងបន្ទុក រស់នៅក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ប្រភពដដែលបានបន្តទៀតថា មុនពេលកើតហេតុ ប្រហែលជាកាលពីថ្ងៃទី១៥ ខែមេសា ឆ្នាំ២០២១ គេឃើញជនរងគ្រោះខាងលើ បានធ្វើដំណើរឡើងទៅលើភ្នំត្រប់ តែម្នាក់ឯង ស្ថិតក្នុងភូមិបរហ៊ុយត្បូង សង្កាត់បរយ៉ាខា ក្រុងប៉ៃលិន ខេត្តប៉ៃលិន ដើម្បីអារឈើយកសង់ផ្ទះស្នាក់នៅជួបជុំប្រពន្ធកូន លុះចេញទៅតាំងពីព្រឹកព្រឹលម រហូតដល់ពេលល្ងាច បាត់ខ្លួន ដោយមិនឃើញត្រឡប់មកវិញ ទើបនាំគ្នាទូរស័ព្ទទៅសួរនាំជនរងគ្រោះ ។ ជាអកុសល ទាក់ទងចូលដែរ តែគ្មានអ្នកទទួល ព្រោះជនរងគ្រោះទុកទូរស័ព្ទនៅឆ្ងាយពីខ្លួន មុនពេលកើតហេតុ ។ ដោយមិនអស់ចិត្ត ប្រពន្ធជនរងគ្រោះ ចេះតែទាក់ទងម្តងហើយម្តងទៀត រាប់សិបដង នៅតែគ្មានអ្នកទទួល ទើបធ្វើឱ្យម្នាក់ៗ មានការព្រួយបារម្ភកាន់តែខ្លាំងឡើងៗ លុះទូរស័ព្ទជនរងគ្រោះអស់ភ្លើង ក៏ទាក់ទងលែងចូល ក៏ពឹងពាក់អ្នកភូមិ ឱ្យជួយដើររកនៅលើភ្នំ អស់រយ:ពេលបីថ្ងៃ គឺរហូតមកដល់ថ្ងៃទី១៧ ខែមេសា ឆ្នាំ២០២១ ទើបនាំគ្នាចូលទៅក្នុងព្រៃជ្រៅ ក៏ប្រ ទះឃើញដើមឈើ១ដើមធំ សង្កត់ពីលើចំពាក់កណ្តាលខ្លួន គួរឱ្យអាណិតអាសូរពន់ពេក ។ ភ្លាមៗ នោះ អ្នកភូមិប្រញាប់សែងជនរងគ្រោះ ចេញពីក្នុងព្រៃជ្រៅ៕