ខេត្តបាត់ដំបង៖ ព្រឹកថ្ងៃទី២៦ ខែ មិនា ឆ្នាំ២០២១ ថ្នាក់ដឹកនាំនៃមន្ទិរ អង្គភាព ពាក់ព័ន្ធ មួយចំនួនក្នុងខេត្តបាត់ដំបង បានអមដំណើរ ឯកឧត្តម ងួន រតនៈ អភិបាលខេត្តបាត់ដំបង និងជាប្រធាគណៈកម្មាធិការគ្រប់គ្រងដីរដ្ឋថ្នាក់ខេត្ត ដើម្បីអញ្ជើញចុះពិនិត្យមើលទីតាំង និងស្ថានភាពដី ជាក់ស្តែងដីមួយកន្លែង ដែលមិនមានការពាក់ព័ន្ធ ដើម្បីធ្វើអនុប្រយោគស្នើសុំទៅរាជរដ្ឋាភិបាល ដើម្បី សម្បទានជូនជូនប្រជាពលរដ្ឋ ដែលពុំមានដីពិតប្រាកដ និងសម្រាប់ចែកជូនបងប្អូនប្រជាពលរដ្ឋមួយចំនួនទៀតដែលដែលរស់នៅក្នុងតំបន់ស្នូលៃនដែនជម្រកសត្វព្រៃ ភ្នំសំកុស ក៏ដូចជាតំបន់ប្រើប្រាស់ច្រើនយ៉ាងសំឡូត ។
ក្នុងដំណើរចុះពិនិត្យ សិក្សាដីនេះដែរ លោក កត បូរ៉ាន់ ប្រធានមន្ទីរបរិស្ថានខេត្តបាត់ដំបង បានឲ្យដឹងថា ៖ នេះជាលើកទី៤ហើយ ដែលយើងបានចុះសិក្សា ដោយមាន ឯកឧត្តម ងួន រតនៈ អភិបាលខេត្តបាត់ដំបងព្រមទាំងថ្នាក់ដឹកនាំនៃមន្ទិរ អង្គភាព ពាក់ព័ន្ធ មួយចំនួនក្នុងខេត្តបាត់ដំបង បានអញ្ជើញចុះពិនិត្យមើល សិក្សាជាក់ស្តែង ព្រមទាំងបានកំណត់ ដើម្បីស្នើសុំអនុប្រយោគទៅរាជរដ្ឋាភិបាល ហើយទីតាំងដីនេះស្ថិតនៅក្នុងភូមិកំពុងល្ពៅ ឃុំកំពុងល្ពៅ ស្រុកសំឡូត គឺជាដីព្រៃរិចរិល ហើយពុំមានផលប៉ះពាល់ច្រើន ដែលយើងកំពុងសិក្សាមើលចាប់ពី ផ្ទៃដីប្រមាណជា ៨០០ ទៅ ១២០០ ហិកតា ថាតើនៅមានផលប៉ះពាល់ប៉ុន្មាន ដើម្បីឲ្យរដ្ឋបាលខេត្តធ្វើអនុប្រយោគស្នើសុំទៅរាជរដ្ឋាភិបាល ។
ដើម្បីធ្វើសម្បទានសង្គមកិច្ចជូនប្រជាពលរដ្ឋ ដែលពុំមានដីពិតប្រាកដ និងសម្រាប់ចែកជូនបងប្អូនប្រជាពល
រដ្ឋមួយចំនួនទៀតដែលដែលរស់នៅក្នុងតំបន់ស្នូលនៃដែនជម្រកសត្វព្រៃភ្នំសំកុស ក៏ដូចជាតំបន់ប្រើប្រាស់ច្រើនយ៉ាងសំឡូត ដែលមានប័ណ្ណក្រីក្រ ដោយសារតែកំណើនប្រជាពលរដ្ឋនៅស្រុកសំឡូតកើនឡើង ក៏ដូចជាប្រជាពលរដ្ឋនៅជុំវិញទូទាំងខេត្តបាត់ដំបង ។
ក្នុងទីតាំងនេះដែរយើងអាច ធ្វើជាទំនប់ ដើម្បីទប់ទឹក សម្រាប់ប្រើប្រាស់បានបរិបូរណ៍ ហើយដីក៏អាចដាំដំណាំកសិកម្មបាន ទៅតាមបច្ចេកទេស ៕(ករុណា)