ខេត្តព្រះសីហនុ÷ លោក ឃាង ភារម្យ អ្នកនាំពាក្យសាលាខេត្តព្រះសីហនុ បានឲ្យបញ្ជាក់តាមប្រព័ន្ធតេឡេក្រាមថា(Telegram)ថាមាន អ្នកវិជ្ជមានកូវីដ-១៩ ចំនួន ០៣នាក់ ជាជនជាតិចិនទាំងអស់ ហើយម្នាក់ក្នុងចំណោមនោះបានដើរទៅទីតាំង០៣កន្លែងក្នុងក្រុងព្រះសីហនុ។ រដ្ឋបាលខេត្តព្រះសីហនុ បានបញ្ជាក់ទៀតថា យោងលទ្ធផលតេស្តសំណាកកាលពីវេលាម៉ោង ០៧ និង៣០នាទីយប់ថ្ងៃទី១៨ ខែមីនា ឆ្នាំ២០២១ បានបង្ហាញថា មានអ្នកវិជ្ជមានកូវីដ-១៩ ចំនួន០៣នាក់ ជាជនជាតិចិនទាំងអស់។ ជាមួយគ្នានេះដែរ មុនពេលទទួលបានលទ្ធផលតេស្តសំណាក គឺមានបុរសជនជាតិចិនម្នាក់ក្នុងចំណោមអ្នកវិជ្ជមានកូវីដ-១៩ ទាំង០៣នាក់ គឺនៅវេលាម៉ោងប្រមាណ០៤រសៀល ថ្ងៃទី១៨ ខែមីនា ឆ្នាំ២០២១ បានទៅគ្លីនិកតៃវ៉ាន់ ស្ថិតនៅភូមិ១ សង្កាត់លេខ២ ក្រុងព្រះសីហនុ បន្ទាប់មកនៅវេលាម៉ោង៦ល្ងាចថ្ងៃដដែល គាត់បានទៅហាងកាត់សក់កន្ត្រៃអន្តរជាតិ ក្នុងបរិវេណមហោស្រពចាស់ ស្ថិតនៅភូមិ២ សង្កាត់លេខ២ ក្រុងព្រះសីហនុ។ រដ្ឋបាលខេត្តព្រះសីហនុ អំពាវនាវឲ្យប្រជាពលរដ្ឋ និងសាធារណជនទាំងអស់ ដែលបានចេញចូលទីតាំង និងពេលវេលាដូចបានរៀបរាប់ខាងលើ សូមទៅយកសំណាកតេស្តឱ្យបានឆាប់បំផុត នៅទីតាំងវេទិកា៧មករា(វិមានឯករាជ្យ) ស្ថិតនៅភូមិ១ សង្កាត់លេខ៣ ក្រុង-ខេត្តព្រះសីហនុ៕ដោយ វ៉ែន សុីវន
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ