ខេត្តស្ទឹងត្រែង . នាព្រឹកថ្ងៃទី០៤ ខែកុម្ភៈ ឆ្នាំ២០២១ នេះ គណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តស្ទឹងត្រែង បានធ្វើការរៀបចំកិច្ចប្រជុំរៀបចំផែនការសកម្មភាព របស់ខ្លួនសម្រាប់ឆ្នាំ២០២១ ។ក្នុងកិច្ចប្រជុំនេះ មានការចូលរួម ពី លោកស្រី សន សុខា ប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តស្ទឹងត្រែង និង លោកជំទាវ លោក លោកស្រី ដែលជាសមាជិក របស់គណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តស្ទឹងត្រែង ជាច្រើនរូបផងដែរ ។មានប្រសាសន៍ក្នុងកិច្ចប្រជុំ លោកស្រី សន សុខា បានលើកឡើងថា .សមាគមនារីកម្ពុជាដើម្បីសន្តិភាព និងអភិឌ្ឍន៍ មានអក្សរកាត់ថា ន.ក.ស.អ ជាអ្នកបន្តវេណពីសមាគមនារីសង្រ្គោះជាតិកម្ពុជា ដែលបានបង្កើតឡើង តាំងពីថ្ងៃ ២ធ្នូ ឆ្នាំ១៩៧៨ និងជាអង្គការមហាជន មួយស្ថិតនៅក្រោមការដឹកនាំរបស់រាជរដ្ឋាភិបាលកម្ពុជា ។ លោកស្រីបានបន្តថា÷ សមាគមនារីកម្ពុជាដើម្បីសន្តិភាព និងអភិឌ្ឍន៍ បង្កើតឡើងដើម្បី លើកកំពស់ស្ថានភាពស្រ្តីនៅក្នុងប្រទេសកម្ពុជាដោយផ្តល់ភាពអង់អាចដើម្បីអោយមានភាពជាអ្នកដឹកនាំ ភាពម្ចាស់ការដោយខ្លួនឯង និងមានសិទ្ធិក្នុងការចែករំលែក ដោយសមធម៌ នូវធនធាន និងផលប្រយោជន៍ពីគ្រប់ការចូលរួម ក្នុងសកម្មភាពសង្គម វប្បធម៌ សេដ្ឋកិច្ច និងនយោបាយចាប់តាំងពីថ្នាក់មូលដ្ឋាន ថ្នាក់ជាតិ និង អន្តរជាតិ ។គោលដៅ និងទស្សនៈវិស័យរបស់សមាគមានារីកម្ពុជាគឺ អ្វីៗទំាងអស់ ដើម្បីសុខុមាលភាពរបស់ស្រ្តី និងកុមារ ជាពិសេសកាត់បន្ថយភាពងាយរងគ្រោះចំពោះស្ត្រី និង កុមារ ការផ្លាស់ប្តូរនូវស្ថានភាពជិវិតស្ត្រី ពីភាពលំបាកងាយរងគ្រោះដើម្បីឈានទៅកាន់ជីវិតប្រកប ដោយគុណភាពប្រសើរទ្បើង។ក្នុងនោះផងដែរ លោកស្រី សន សុខា បានវាយតម្លៃខ្ពស់ និង កោតសរសើរ ចំពោះការខិតខំប្រឹងប្រែង របស់ គណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តស្ទឹងត្រែងដែលបានខិតខំប្រឹង អស់កម្លាំងកាយចិត្ត ក្នុងកាអនុវត្តការងារសហការគ្នា យ៉ាងសកម្មក្នុងការចូលរួមអភិវឌ្ឍន៍ខេត្ត និងចូលរួមអនុវត្តនូវគោលនយោបាយរបស់រាជរដ្ឋាភិបាលកម្ពុជា ដែលនាំឲ្យខេត្តស្ទឹងត្រែងមានសន្តិសុខសណ្តាប់ធ្នាប់និងរីកចម្រើនជាបន្តបន្ទាប់។ ក្នុងនោះ លោកស្រី សន សុខា ក៏សូមថ្លែងអំណរគុណដល់សប្បុរសជនទាំងអស់ ដែលបានឧបត្ថម្ភគ្រាំទ្រ ដល់សមាគមនារីកម្ពុជាដើម្បីសន្តិភាព និងអភិវឌ្ឍន៍ ខេត្តស្ទឹងត្រែង កន្លងមក ក្នុងការជួយដល់ជនទីទ័លក្រ ដែលជួបការលំបាក ពិសេសស្រ្តី ដែលងាយរងគ្រោះ ដោយសារអំពើហិង្សា ទាំងផ្លូវកាយ និង ផ្លូវចិត្ត ជាដើម ៕ដោយ វង្ស សុភី
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ