ខេត្តប៉ៃលិន ៖ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន នៅព្រឹកថ្ងៃទី០៤ ខែកុម្ភៈ ឆ្នាំ២០២១ បានបង្ហោះនៅលើបណ្ដាញសង្គមហ្វេសប៊ុកថា នឹងរៀបចំដាក់ឧបករណ៍ហាត់ប្រាណ នៅលើសួនកុមារ ទល់មុខសាលាខេត្តដើម្បីឲ្យបងប្អូនមកហាត់ប្រាណ ។លោកជំទាវអភិបាលខេត្តប៉ៃលិន បានបញ្ជាក់នៅលើបណ្ដាញថា “ត្រៀមៗ បងប្អូន ចាប់ពីថ្ងៃស្អែកនេះតទៅ នៅទីប្រជុំជន លើសួនកុមារនឹងមានឧបករណ៍ ហាត់ប្រាណដាក់ជូនពុកម៉ែបងប្អួន សំរាប់ហាត់ប្រាណ ដើម្បីសុខភាពហើយ ជាពិសេស នៅទីនេះមានលក់ម្ហូបអាហារ បង្អែមឆ្ងាញ់ៗ និងសំលៀកបំពាក់ស្អាតៗ តែតំលៃសមរម្យថែមទៀតផង” “សូមចូលរួមថែរក្សាអនាម័យ កុំភ្លេចខ្លួនពីវិធានការការពារ មេរោគជម្ងឺកូវីដ – ១៩” “លើសពីនេះ ការហាត់ប្រាណ ត្រូវរក្សាគម្លាត ១ម៉ែត្រកន្លះ ត្រូវពាក់ម៉ាស់ លាងដៃអោយបានញឹកញាប់ និងសូមបងប្អូនទាំងអស់ ចូលរួមថែរក្សាអនាម័យ ឧបករណ៍ហាត់ប្រាណរបស់យើង អោយបានល្អអាចប្រើប្រាស់បានយូរអង្វែង” ។គួរបញ្ជាក់ថា សម្រាប់ខេត្តប៉ៃលិន គេធ្លាប់ឃើញមានការដាក់ទោង ប្រដាប់ក្មេងលេង និងសម្ភារៈហាត់ប្រាណ មួយចំនួននៅលើសួនកុមារនេះដែរ តែក្រោយមកក៍បានខូចខាតអស់ និងត្រូវបានលើកចេញ ។ឆ្លើយតបទៅនឹងសារ របស់លោកជំទាវ បាន ស្រីមុំ អភិបាលខេត្តប៉ៃលិនខាងលើ ប្រជាពលរដ្ឋក្នុងមូលដ្ឋាន ជាពិសេសពលរដ្ឋនៅទីរួមខេត្តប៉ៃលិនតែម្តង បានសម្តែងការសាទរ និងសប្បាយរីករាយ ព្រោះពួកគាត់អាចមានកន្លែងហាត់ប្រាណ ដោយមិនចាំបាប់ចំណាយថវិកា ពិសេសការរៀបចំរបៀបនេះវាធ្វើឲ្យទីតាំងនេះ មានសម្រស់និងកាន់តែទាក់ទាញថែមទៀតផង ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ