ព្រៃវែងៈ មេគយបន្ទាយចក្រីៈ លោក ហង្ស វណ្ណ ប្រធានច្រកទ្វារ ព្រំដែនអន្តរជាតិ ចក្រី កំពុងសប្បាយចិត្ត និងអោយកូនចៅប្រមូលលុយ តាមរយៈក្រុមឈ្មួញរកស៊ីដឹកស្រូវ លក់ទៅអោយឈ្មួញនៅប្រទេសវៀតណាម មួយថ្ងៃៗរាប់រយឡាន ហើយក្នុងមួយឡានៗយកកំរ៉ៃចំនួន២០០០០រៀល(ពីម៉ឺនរៀល) ឡានទាំងនោះចូលតាមច្រកទ្វារព្រំដែនអន្តរជាតិ ចក្រី ក្នុងឃុំបន្ទាយចក្រី ខេត្តព្រៃវែង(ថាតើលុយទាំងនោះ ចូលក្នុងថវិការជាតិ ឬចូលហោប៉ាវលោក ហង្ស វណ្ណផ្ទាល់) ទាំងនេះជាកាលើកឡើងរបស់ក្រុមឈ្មួញដែលបានបង់លុយជូនមន្ត្រីនៅទីនោះ ពួកគាត់បានបន្តថាៈ ការរកស៊ីរបស់ពួកគាត់សព្វថ្ងៃគឺមានការលំបាកណាស់ បង់អោយស្ទើគ្រប់កន្លែងទាំងអស់ ទើបបានដឹកស្រូវចេញទៅលក់បាន ដូចនេះការចំណេញគឺបានតិចតួចណាស់ ព្រោះថាយើងបែងចែកច្រើនពេក ហើយក៏សំណូមពរដល់លោក ប្រធានច្រកផងដែរ សូមកុំយកជើងសារពីពួកគាត់ច្រើនពេក ទុកអោយពួកគាត់បានរស់ខ្លះផង ហើយការធ្វើបែបនេះបានធ្វើអោយស្រូវខ្មែរយើង ពិបាកនិងទិញថ្លៃពីប្រជាកសិករណាស់ ព្រោះចំណាយច្រើនគ្រប់បែបយ៉ាង
ក្រុមឈ្មួញទាំងនោះសំណូមពរដល់ ឯកឧត្តម ជា សុមេធី អភិបាលខេត្តព្រៃវែង មេត្តាពិនិត្យនូវទុក្ខលំបាករបស់ពួកគាត់ផង បើនៅតែបន្តធ្វើសកម្មភាពឆ្លៀតឳកាសបន្តទៀត ពួកកាត់រកស៊ីសព្វថ្ងៃ បានត្រឹមតែរកចិញ្ចឹមមន្ត្រីច្រកតែប៉ុណ្ណោះ។
ដូចនេះសូមឯកឧត្តមប្រធាន មេត្តាសម្រួលដល់ការលំបាករបស់ប្រជាពលរដ្ឋ ស្របពេលកម្ពុជាកំពុងជួបបញ្ហាជំងឺកូវីដ-១៩ គ្រប់កន្លែងនេះផង។ ពលរដ្ឋ ក្រុមរកស៊ីទាំងនេះ សង្ឃឹមថា ថ្នាក់លើនិងជួយពិនិត្យព្រមទាំងមានវិធានការចំពោះ លោក ហង្ស វណ្ណ មេគយច្រកព្រំដែនបន្ទាយចក្រី ដែលទើបឡើងតំណែងថ្មីនេះផង។
នៅរសៀលថ្ងៃទី២៣ ខែកុម្ភៈ ឆ្នាំ២០២១ នេះ អង្គភាពយើងខ្ញុំ មិនអាចសុំការបំភ្លឺ ពី លោក ហង្ស វណ្ណ ប្រធានច្រកទ្វារព្រំដែនអន្តរជាតិ ចក្រី បានទេ ដោយមិនមានលេខ សំរាប់ទំនាក់ទំនងៈ ហើយអង្គភាពយើងខ្ញុំរង់ចាំបកស្រាយ និងបំភ្លឺនៅរាល់ម៉ោងធ្វើការ៕