ភ្នំពេញ, បើតាមប្រភពច្បាស់ការពីអគ្គនាយក ដ្ឋានគយនិងរដ្ឋាករ បានអោយដឹងថា បន្ទាប់ពីមានការរិះគន់ខ្លាំងទៅលេីទង្វើរបស់ លោក ឈួន សោភា ប្រធានគយចល័តតំបន់ ៥ ចាប់រថយន្តអង្គភាពយោធាការពារព្រំដែន រហូតបណ្ដាលអោយទាហានការពារព្រំដែនម្នាក់តូចចិត្តរត់ទៅចងកសម្លាប់ខ្លួននោះ។ពេលនេះ ថ្នាក់លេីបានដកបុគ្គលឈួន សោភា ឡេីងមកអគ្គនាយកដ្ឋានគយ និង រដ្ឋាករ ដេីម្បីស៊េីបអង្កេតរកអោយឃើញរឿងពិត ខណ:បុគ្គលនោះជំនាញពុករលួយ។ប្រភពបានអោយដឹងទៀតថា, លោក យឹម ផល្លី អនុប្រធានគយចល័តតំបន់៥ ត្រូវបានថ្នាក់លេីតែងតាំងអោយឡេីងជាប្រធានស្ដីទីជំនួសលោក ឈួន សោភា ។គួរបញ្ជាក់ថា នៅថ្ងៃទី ១៤ ខែ កុម្ភៈ ឆ្នាំ ២០២១ ក្រសួងការពារជាតិ បានបញ្ជូនក្រុមការងារមួយក្រុមចុះទៅស្រាវជ្រាវករណីទាហានការពារព្រំដែន ៥០៣ ចងកសម្លាប់ខ្លួន ដោយសារតែតូចចិត្តចំពោះលោក ឈួន សោភា ចាប់រថយន្តអង្គភាព ។ក្រុមការងារបានបញ្ចប់ការងារស្រាវជ្រាវនៅថ្ងៃទី ១៥ ខែ កុម្ភៈ ឆ្នាំ ២០២១ ដោយបានរកឃេីញថា រថយន្តដែលគយចល័តតំបន់៥ ចាប់នោះគឺពិតជារថយន្តអង្គភាពដែលបានចុះបញ្ជីនៅ អគ្គនាយកដ្ឋានសំភារៈ បច្ចេកទេស ក្រសួងការពារជាតិ ប្រាកដមែន ។ក្រុមការងារនឹងធ្វើរបាយការណ៍គោរពរាយការណ៍ជូនសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ ដេីម្បីពិនិត្យសម្រេច ។ដោយឡែកលោក ឈួន សោភា មេគយចល័តតំបន់៥ នេះ ត្រូវបានគេទទួលស្គាល់ថាជាកំពូលមនុស្ស គាបសង្កត់អ្នករកស៊ី នឹងដាក់ខែជាមួយនឹងឈ្មួញរកស៊ីខុសច្បាប់ ទំនិញរត់ពន្ធជាដើមលនិងល។
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ