ថ្ងៃព្រហស្បតិ៍ ទី០៩ ខែធ្នូ ឆ្នាំ២០២១
ទូរទស្សន៍ ស្លឹករឹត SRTV ONLINE ផ្តល់ព័ត៌មានពិតឥតលំអៀង សូមជួយរិះគន់ស្ថាបនាសង្គមជាតិយើងទាំងអស់គ្នា ទំនាក់ទំនងផ្តល់ព័ត៌មាន និង ផ្សព្វផ្សាយពាណិជ្ជកម្ម: 097 85 20008/012 804 979/016 62 45 66
ឯកឧត្តម សុខ លូ និងលោកជំទាវ ព្រមទាំងក្រុមគ្រួសារអញ្ជើញសំណេះសំណាល សួរសុខទុក្ខ និងចែកជូនអំណោយដល់ប្រជាពលរដ្ឋដែលមានជីវភាពខ្វះខាតចំនួន ១៥០គ្រួសារ ក្នុង ឃុំបវេល ស្រុកបវេល ខេត្តបាត់ដំបង
Mon,22 November 2021 (Time 10:07 AM)
ដោយ ៖ SRTV ONLINE (ចំនួនអ្នកអាន: 55នាក់)

នៅព្រឹកថ្ងៃសៅរ៍ ១រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២០ ខែវិច្ឆិកា ឆ្នាំ២០២១ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ ព្រមទាំងក្រុមគ្រួសារ បានអញ្ជើញចុះជួបសំណេះសំណាល សួរសុខទុក្ខ និងចែកជូនអំណោយជូនប្រជាពលរដ្ឋដែលមានជីវភាពខ្វះខាតចំនួន១៥០គ្រួសារ ដែលមកពីភូមិសង្កែវារ ភូមិពាម ភូមិកំពង់ព្នៅ និងភូមិសំរោង នៃឃុំបវេល ស្រុកបវេល ខេត្តបាត់ដំបង ដែលជាទឹកដីកំណើតរបស់ ឯកឧត្តម ។ ដោយក្នុងមួយគ្រួសារទទួលបាន អង្ករ១ការ៉ុង (៥០គីឡូក្រាម) ទឹកសុទ្ធចំនួន១កេស មី១កេស ត្រីខ១យួរ ទឹកស៊ីអីវ១យួរ ទឹកត្រី១យួរ ភួយចំនួន១ ក្រមារចំនួន១ និងថវិកាមួយចំនួនទៀតផងដែរ ។
ឆ្លៀតក្នុងឱកាសនោះ ឯកឧត្តម សុខ លូ បានមានប្រសាសន៍សំណេះសំណាលជាមួយប្រជាពលរដ្ឋ ដោយក្នុងនោះ ឯកឧត្តម បានមានប្រសាសន៍សុំការអធ្យាស្រ័យដល់ប្រជាពលរដ្ឋ ដែលមិនអាចចែកជូនគ្រប់ប្រជាពលរដ្ឋបានទាំងអស់ទេ ហើយចំពោះអំណោយនាពេលនេះ សម្រាប់ដោះស្រាយជីវភាពបានមួយរយៈពេលខ្លីតែប៉ុណ្ណោះ ។ ឯកឧត្តម មានប្រសាសន៍ថ្លែងអំណរគុណយ៉ាងជ្រាលជ្រៅ ដល់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា ដែលសម្ដេចខិតខំប្រឹងប្រែងក្នុងការស្វែងរកសន្ដិភាពជូនប្រជាពលរដ្ឋ និងបញ្ចប់បាននូវសង្រ្គាមផ្ទៃក្នុង ដោយអនុវត្តទៅតាមគោលនយោបាយឈ្នះៗ បានយ៉ាងជោគជ័យ ហើយចំពោះបច្ចុប្បន្នដែលពិភពលោកកំពុងតែប្រយុទ្ធប្រឆាំងនឹងជំងឺកូវីដ-១៩នេះ សម្ដេចបានខិតខំប្រឹងប្រែងគ្រប់បែបយ៉ាង ក្នុងការស្វះស្វែងរកថ្នាំវ៉ាក់សាំងប្រឆាំងជំងឺកូវីដ-១៩ ឲ្យបានចាក់ជូនប្រជាពលរដ្ឋបានគ្រប់ៗគ្នា ។ ឯកឧត្តមបានអំពាវនាវដល់ប្រជាពលរដ្ឋ ត្រៀមលក្ខណៈក្នុងការទទួលវ៉ាក់សាំងដោយឥតគិតថ្លៃចំពោះដុសជំរុញ ដែលជាដុសទី៣ ដែលរដ្ឋបាលខេត្តនឹងបើកយុទ្ធនាការចាក់ជូននាពេលឆាប់ៗខាងមុខនេះផងដែរ ៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ខ្មែរថ្ងៃនេះ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ខ្មែរថ្ងៃនេះ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ខ្មែរថ្ងៃនេះ)

វីដែអូ