ខេត្តបាត់ដំបង-នៅព្រឹកថ្ងៃចន្ទ១១កើតខែ កត្តិក ឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី ១៥ ខែវិច្ឆិកា ឆ្នាំ២០២១ តាមអនុសាសន៍របស់ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្ត លោកឧត្ត ម សេនីយ៍ទោ សាត គឹមសាន ស្នងការនគរបាលខេត្តបាត់ដំបង ដឹកនាំកងកម្លាំងនគរបាល សហ ការជាមួយអាជ្ញាធរមូលដ្ឋាន ចុះជួយប្រជាពលរដ្ឋរងគ្រោះដោយជំនន់ទឹកភ្លៀង ដែលបានកេីតឡេីង នៅក្នុងឃុំបាសាក់ ស្រុករុក្ខគីរី កាលពីថ្ងៃទី ១៤ ខែ វិច្ឆិកា ឆ្នាំ ២០២១។
សូមជម្រាបជូនថា ដោយសារមានភ្លៀងធ្លាក់ជាប់ៗគ្នាក្នុងប៉ុន្មានថ្ងៃកន្លងទៅ ជាហេតុបង្កឱ្យមានកំ ពស់ ទឹកហក់ឡេីងខ្ពស់ ហេីយបានបណ្តាលឱ្យមានជំនន់ទឺកភ្លៀង លលិចលង់លំនៅឋានប្រជាពល រដ្ឋក្នុងភូមិឈូក ភូមិកំរ៉ែង និងភូមិ ច្រាំងខ្ពស់ ឃុំបាសាក់ ស្រុករុក្ខគីរី អស់ជាច្រេីនខ្នងនិងត្រូវនាំជម្លៀសពួកគាត់ទៅកាន់ទីទួលសុវត្ថិភាព កាលពីថ្ងៃទី១៤ ខែ វិច្ឆិកា ឆ្នាំ ២០២១ កន្លងទៅ។
ដោយសារស្ថានភាពបែបនេះទេីបលោកឧត្តមសេនីយ៍ទោ ស្នងការបានដឹកនាំកងកម្លាំងនរគបាលពីស្នងការដ្ឋានរួមជាមួយនគរបាលស្រុករុក្ខគីរីនិងអាជ្ញាធរមូលដ្ឋានចូលរួមជួយប្រជាពលរដ្ឋដែលកំពុងរងគ្រោះ ហេីយជាមួយនេះលោកស្នង ការបាន នាំយកនូវមី ព្រមទាំង ថវិកា មួយ ចំនួនប្រគល់ជូនពលរដ្ឋរងគ្រោះនៅទីនោះផងដែរ។
រហូតមកដល់ពេលរសៀលថ្ងៃដដែលនេះស្ថានភាពទឹកនៅប៉ែកខាងលើអាងស្តុកទឹកបាសាក់ ហាក់មានស្ថានភាពស្រកចុះបន្តិចហើយ ៕