{ព្រៃវែង}=ព្រឹត្តិការណ៍ដ៏គួរឱ្យរន្ធត់ខាងលើនេះនេះគឺបានកើតឡើងកាលពីថ្ងៃទី 2 មីនា 2020 វេលាម៉ោង 12 និង 10 នាទីមានករណីបុរសស៊ីឈ្នួលអារដើមត្នោតបណ្ដាលឱ្យក្មេងប្រុស ៣នាក់រងរបួសធ្ងន់ និងរបួសស្រាលម្នាក់ ខណៈដែលករណីអារដើមត្នោត ដួលទាក់លើខ្សែភ្លើងបណ្ដាលឱ្យបាក់បង្គោលភ្លើងដួលសង្កត់ចំផ្ទះពលរដ្ឋមួយខ្នងស្ថិតនៅភូមិព្រៃបាស្រី ឃុំជៃកំពក ស្រុកព្រះស្តេច ខេត្តព្រៃវែង។
ជនរងគ្រោះជាក្មេងប្រុសទាំងអស់ ៤ នាក់៖
១-ឈ្មោះ ថុន សុផាត ភេទប្រុស អាយុ ១២ ឆ្នាំទីលំនៅភូមិទ្រា ឃុំរំចេក ស្រុកព្រះស្តេច របួសធ្ងន់បាក់ដៃខាងស្តាំ។
២-ឈ្មោះ គង់ សីហា ភេទប្រុស អាយុ ១០ ឆ្នាំទីលំនៅភូមិព្រៃបាស្រី ឃុំជៃកំពក ស្រុកព្រះស្តេចរបួសធ្ងន់ដាច់ករជើងខាងឆ្វេង។
៣-ឈ្មោះ ភា ណែត ភេទប្រុស អាយុ ៩ ឆ្នាំទីលំនៅភូមិព្រៃបាស្រី ឃុំជៃកំពក ស្រុកព្រះស្តេចរបួសធ្ងន់បែកក្បាលផុងរលាចេញខួរ(សង្ឃឹមតិច)។
៤-ឈ្មោះ ភាង ជីវ៉ា ភេទប្រុស អាយុន ១១ឆ្នាំទីលំនៅភូមិព្រៃបាស្រី ឃុំជៃកំពក ស្រុកព្រះស្តេចរងរបួសស្រាលឆកខ្សែភ្លើងត្រង់ជើងខាងឆ្វេង។
ម្ចាស់ផ្ទះឈ្មោះ ម៉េ ស្រីអូន ភេទស្រីអាយុជាង ៣០ ឆ្នាំ និងប្តីឈ្មោះ សាមុត មុខរបរលក់ដូរនៅទល់មុខសាលាបឋមសិក្សាព្រៃបាស្រី ផ្ទះរងការខូចខាត។
ម្ចាស់ដើត្នោត ប្តីឈ្មោះ រ៉េត អាយុ ៤៧ឆ្នាំ និងប្រពន្ធឈ្មោះ ដា អាយុ៤៥ឆ្នាំ មុខរបរធ្វើស្រែ មានទីលំនៅភូមិព្រៃបាស្រី ឃុំជៃកំពក ស្រុកព្រះស្តេច ខេត្តព្រៃវែង ។ជនបង្កមានឈ្មោះ ថន ភាព ភេទប្រុសអាយុ ៤០ឆ្នាំ មុខរបរសុីឈ្នួលអារឈើ មានទីលំនៅភូមិ តា ង៉ក ឃុំរំចេក ស្រុកព្រះស្តេច ខេត្តព្រៃវែង (ជាអ្នកអារដើមត្នោត)។
បើយោងតាមសម្តីម្ចាស់ដើមត្នោតបានអ្នកឆ្លងឆ្លើយព័ត៌មានទូរទស្សន៍ស្លឹករឹតSRTV online យើងថា÷ ពួកគាត់ទាំងពីរនាក់ប្ដីប្រពន្ធបានជួលឈ្មោះថនភាពមកអាដើមត្នោត ដើម្បីយកទៅធ្វើក្រោលគោ ហើយការអាដើមត្នោតទាំងអស់នេះ មិនមែនមានតែអ្នកអារម្នាក់តែប៉ុណ្ណោះទេ! គឺមានអ្នកជួយទាញគ្នាជិត ១០នាក់ឯណោះ ប៉ុន្តែមកដល់ត្នោតមួយដើមនេះ ខំប្រឹងទាញយ៉ាងណាក៏ទាញមិនរួចដែរ។
ក្រោយកើតហេតុ ក្មេងៗរងគ្រោះទាំង ៤នាក់ ត្រូវបានសាច់ញាតិបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកព្រះស្ដេច រីឯជនបង្ក និងម្ចាស់ដើមត្នោត ត្រូវបានឃាត់ខ្លួនបញ្ជូនទៅអធិការដ្ឋាននគរបាលស្រុកព្រះស្ដេច ផងដែរដើម្បីចាត់ការបន្តតាមនីតិវិធី។ដោយថោងមុន្នី