ខេត្តបាត់ដំបង:លោក យូ ហេង ប្រធានសាខាគយ ប្រចាំខេត្តបាត់ដំបង ចាប់តាំង ឡើងកាន់តំណែងជាប្រធានសាខាគយខេត្តបាត់ដំបង នៅមិនទាន់ឃើញលោក យូ ហេង បានកែទម្រង់ ចាសៗនៅឡើយទេ និង បំបាត់ អំពើពុករលួយ នៅឡើយ ហើយកំពុងបណ្ដោយឲ្យមន្ត្រីគយធំៗតាមច្រកព្រំដែនក្នុងស្រុកសំឡូត ស្រុកសំពៅលូន ស្រុកកំរៀង ស្រុកភ្នំព្រឹកធ្វើអ្វីៗស្រេចតែអំពើចិត្ត...
ប្រភពបានឱ្យដឹងទៀតថាការដែលមន្ត្រីគយប្រចាំច្រកព្រំដែននៅក្នុងស្រុកទាំង 4 ខាងលើនេះហានឃុបឃិតបើកដៃឲ្យឈ្មួញនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់យ៉ាងពេញបន្ទុកគឺដោយសារមានការឃុបឃិតបើកដៃពីសំណាក់លោក យូ ហេង ប្រធានសាខាគយខេត្តបាត់ដំបងផងដែរ.. ប្រសិនបើគ្មានការឃុបឃិត បើកដៃពីសំណាក់លោក យូ ហេង គឺមន្ត្រីគយប្រចាំច្រក ព្រំដែន ជាច្រើនកន្លែងនៅក្នុងខេត្តបាត់ដំបងមិនហ៊ានធ្វើអ្វីៗស្រេចតែអំពើចិត្តរបស់ខ្លួនដូចសព្វថ្ងៃនេះទេ!!!
-មន្ត្រីគយនៅក្នុងខេត្តបាត់ដំបងមួយចំនួនបានបង្ហើបឲ្យដឹងថា ទំនងជាលោកហេងចំណាយដើមទុនយ៉ាងច្រើននៅក្នុងការទទួលបានតំណែងជាប្រធានសាខាគយខេត្តបាត់ដំបង ទើបមកកាន់តំណែងភ្លាមចាប់ផ្ដើមប្រមូលលុយតាមរបៀបពុករលួយដោយគ្មានញញើតអ្វីទាំងអស់!!!
ក្នុងនោះការគ្រប់ឲ្យឈ្មួញនាំចូលទំនិញគេចពន្ធទំនិញបង់ពន្ធមិនគ្រប់ទំនិញខុសច្បាប់ តាមច្រកព្រំដែននៅក្នុងស្រុកសំឡូតស្រុកកំរៀងស្រុកភ្នំព្រឹកនិងស្រុកសំពៅលូន ធ្វើឲ្យរដ្ឋខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែមួយខែ..
ដូច្នោះលោកអូនព័ន្ធមុនីរ័ត្នដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុក៏ដូចជាលោកគុណញឹមដែលជាមេគយធំមិនគួរមើលរំលងតទៅទៀតទេ។ព្រោះលោកយូហេងកំពុងប្រើ តួនាទីនិងអំណាចរបស់ខ្លួនដើម្បីប្រមូលលុយតាមរបៀបពុករលួយដោយគ្មានញញើតអ្វីទាំងអស់.. ជាពិសេសលោក ឱមយិនទៀង ប្រធាន អង្គភាព ប្រឆាំងអំពើពុករលួយ គួរបើកការស៊ើបអង្កេតឲ្យបានស៊ីជម្រៅទៅលើរឿងអាស្រូវពុករលួយរបស់លោកយូហេងមេគយសាខាខេត្តបាត់ដំបង រូបនេះកុំអោយធ្វើអ្វីៗស្រេចតែអំពើចិត្តរបស់លោក..។(ករុណា)