ខេត្តព្រះវិហារ ÷ តាមការបំភ្លឺ ពីលោក ស៊ុម ស៊ីវុត្ថា នាយផ្នែករដ្ឋបាលព្រៃឈើ រវៀងបានឱ្យដឹងថា ÷លោកបានដឹកនាំកម្លាំងមន្រ្តីផ្នែក និងសង្កាត់រដ្ឋបាលព្រៃឈើរវៀង ដោយសហការជាមួយមន្រ្តីការិយាល័យតំបន់ការពារធម្មជាតិព្រៃឡង់ បឹងពែរ គណៈកម្មការសហ គមន៍តំបន់ការពារធម្មជាតិបង្កនសែនជ័យ មន្រ្តីកងរាជអាវុធហត្ថស្រុករវៀងតំណាងក្រុមហ៊ុន ដោយដឹកនាំដោយលោក មុយ វុន អភិបាលរងនៃគណៈអភិបាលស្រុករវៀង បានចុះត្រួតពិនិត្យ ទីតាំងគល់ដើមឈើដែលបានកាត់ អារ ប្រមូលផល អនុផលព្រៃឈើថ្មីៗ ដោយក្រុមហ៊ុន ម៉ាឃលឡូជីស្ទីក (ខេមបូឌា)ស្ថិតក្នុងភូមិបង្កន ឃុំរៀបរយ ស្រុករវៀង ខេត្តព្រះវិហារ កាលពីរថ្ងៃទី15 ខែវិច្ចការ ឆ្នាំ២០២០។ ក្រុមការងារបានចុះជាក់ស្តែង ទៅដល់ទីតាំងចំនួន៣កន្លែង គឺទីតាំងដែលក្រុមអ្នកសារព័ត៌មានបានចុះទៅដល់ ហើយបានថតផ្ដិតយករូបភាពឈើនៅក្នុងទីតាំងក្រុមហ៊ុន មកផ្សព្វផ្សាយថា ឈ្មួញបានឃុបឃិតគ្នា ចូលកាប់បំផ្លាញព្រៃឈើ នៅក្នុងព្រៃឡង់ និងសហគមន៏ ដែលជាតំបន់ព្រៃឈើយើងត្រូវតែ រួមគ្នាការពារ ទុកជាសម្បត្តិរដ្ឋ ។ មន្រ្តីការិយាល័យតំបន់ការពារធម្មជាតិព្រៃឡង់ បឹងពែរ និងប្រធានគណៈកម្មការ សហគមន៍ តំបន់ការពារធម្មជាតិបង្កន សែនជ័យ បានបញ្ជាក់ និងបំភ្លឺថា គ្មានការកាប់ដើមឈើចេញពីព្រៃឡង់ និងសហគន៍តំបន់ការពារធម្មជាតិទេ ដោយឡែកតំណាងក្រុមហ៊ុនក៏បានបំភ្លឺដែរថា មិនពិតដូចការចុះផ្សាយរបស់ ក្រុមអ្នកសារព័ត៌មានទាំងនោះឡើយ។ ផ្អែកតាមលទ្ធផល នៃការចុះពិនិត្យ វិភាគ និង ស្រាវជ្រាវយ៉ាងល្អិត ល្អន់របស់ក្រុមកម្លាំងចម្រុះគណ:កម្មការខេត្តព្រះវិហារ និងស្រុករវៀងបានឱ្យដឹងថា ដើមឈើដែលបានកាប់ អារ ដកហូតខាង លើនោះ គឺស្ថិតនៅក្នុងទីតាំរបស់ងក្រុមហ៊ុនទាំងអស់ គឺមិនពិតដូចការចុះផ្សាយចោទប្រកាន់ របស់ក្រុមអ្នកសារព័ត៌មាន កាលពីពេលថ្មីៗ កន្លងទៅនោះទេ សូមមហាជន ជាពិសេស បណ្ឌិត ឯកឧត្ដម បងប្អូន និងមិត្តៗ អ្នកសារព័ត៌មានជាតិយើងនៅទូទាំងប្រទេស មេត្តាទានជ្រាប !!! ៕ដោយ ប្រាក់ សុភាស់
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ