អ្នកញៀនល្បែងចំនួន 14នាក់ លេងល្បែងគ្រប់ប្រភេទដូចជាប្រដាល់ជល់មាន់តាមអនឡាញនិងល្បែងគ្រប់ប្រភេទត្រូវបានកម្លាំងអធិការដ្ឋាននគរបាលស្រុកថ្មគោល នាំ យកមកអប់រំ និងអធិការស្រុករួចឲ្យវិលត្រឡប់ទៅផ្ទះវិញ រៀងរៀងខ្លួន
(ខេត្តបាត់ដំបង)នៅរសៀលថ្ងៃសុក្រ០១រោច ខែបុស្ស ឆ្នាំកុរឯកស័ក ព.ស.២៥៦៣ត្រូវនឹងថ្ងៃទី១០ខែមករាឆ្នាំ២០២០ អនុវត្តតាមមតិដឹកនាំរបស់ឯកឧត្ត ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដបងនាវេលាម៉ោង១៤និង ២០នាទីនៅចំណុចក្រុមទី១០ភូមិអូរញរ ឃុំបឹងព្រីង ស្រុកថ្មគោល ខេត្តបាត់ដំបង កម្លាំងនគរបាលស្រុកថ្មគោលដែលមានលោកវរសេនីយ៍ឯក ផង់ សុភាពជាអធិការនគរបាលស្រុក ដឹកនាំកម្លាំងជំនាញ និងកម្លាំងនគរបាលប៉ុស្តុិរដ្ឋបាលគោកឃ្មុំ ប៉ុស្តិ៍តាពូង ប៉ុស្តិ៍បឹងព្រីង បានចុះបង្រ្កាបករណីល្បែងស៊ីសង(បក្សីកីឡាជល់មាន់)តាមទូរទស្សន៍ដោយធ្វេីការឃាត់ខ្លួនអ្នកនិយមទស្សនានិងឆ្លៀតចាក់ភ្នាល់ដាក់ប្រាក់ផងនោះចំនួន១៤នាក់ភេទប្រុសរួមទាំងម៉ូតូចំនួន១២គ្រឿងទូរទស្សន៍ម៉ាកLGទំហំ៤៣អ៉ីងចំនួន០១គ្រឿង។
ក្រោយពេលឃាត់ខ្លួនអ្នកញៀនល្បែង(បក្សីកីឡា)មានភ្នាល់ដាក់ប្រាក់ទាំង១៤នាក់យកមកធ្វេីការសាកសួររួចមក បានអប់រំណែនាំធ្វេីកិច្ចសន្យាបញ្ឈប់ហេីយឲ្យវិលទៅលំនៅដ្ឋានវិញ៕(ករុណា)
