បាត់ដំបង៖បុរសម្នាក់ធ្វើឃាតប្រពន្ធសំណព្វចិត្តដោយយកកន្សែងពោះគោរឹតក ស្លាប់បង្កអោយមានការភ្ញាក់ផ្អើលដល់អ្នកស្រុកនិងសមត្ថកិច្ចស្រុកថ្មគោល។ករណីនេះបានកើតឡើងកាលពីវេលាម៉ោង១៩និង៣០ ថ្ងៃទី៦ ខែធ្នូ ឆ្នាំ២០១៩ ចំណុចភូមិកៀនកែស២ ឃុំគោឃ្មុំ ស្រុកថ្មគោល ខេត្តបាត់ដំបង។ប្រភពព័ត៌មានបានអោយដឹងថា៖ស្ត្រីរងគ្រោះ ឈ្មោះសុត សុខជា ភេទស្រី អាយុ៣៩ឆ្នាំ ស្លាប់បន្ទាប់មកជនសង្ស័យ(ជាប្តី)ឈ្មោះ លុយ សំណាង ភេទប្រុស អាយុ៤០ឆ្នាំ បានយកថ្នាំ AMITTRIPPINE CPE ជាថ្នាំ(សរសៃប្រសាទ) លេបអស់ជាច្រើនគ្រាប់ ស្លាប់ក្រោយពេលបញ្ជូនទៅដល់មន្ទីរពេទ្យ។ជុំវិញករណីឃាតកម្មដូចការលើកឡើងខាងលើសមត្ថកិច្ចបានអះអាងថាគឺភាគីខាងប្តីដាច់ចិត្តធ្វើឃាតប្រពន្ធគឺផ្តើមចេញពីភ្លើងប្រច័ណ្ឌ ដោយខ្វះការពិចារណាវែងឆ្ងាយ។បន្ទាប់ពីសមត្ថកិច្ចជំនាញធ្វើកោសល្យវិច្ច្ច័យរួច ប្រគល់សពទាំងពីរនាក់ប្តី ប្រពន្ធ អោយក្រុមគ្រួសារយកទៅរៀបចំធ្វើបុណ្យតាមប្រពៃណី៕ដោយ ករុណា