ខេត្តស្ទឹងត្រែង÷ នៅថ្ងៃទី ១៥ ខែកញ្ញា ឆ្នាំ២០២១ មន្ទីរ អប់រំយុវជននិងកីឡា ខេត្តស្ទឹងត្រែង បានទទួលយកជំនួយមនុស្សធម៍ពីសំណាក់អង្គការផ្លែនអន្តរជាតិកម្ពុជា ប្រចាំខេត្តស្ទឹងត្រែង ដែលផ្តល់ជូនសម្រាប់ប្រើប្រាស់ ក្នុងការប្រយុទ្ធប្រឆាំងនិងជំងឺកូវីដ-១៩ ក្នុងពេលរាជរដ្ឋាភិបាល សម្រេចឲ្យបើកការសិក្សារបស់សិស្សានុសិស្សទូទាំងប្រទេស ក៏ដូច ក្នុងខេត្តស្ទឹងត្រែង ។ការប្រគល់និងទទួលនេះបានធ្វើឡើងនៅ មន្ទីរអប់រំយុវជននិងកីឡាខេត្ត ក្រោមវត្តមាន លោក ហ៊ាង ប៉ូលី ប្រធានមន្ទីរអប់រំយុវជននិងកីឡាខេត្ត នឹង លោក ផែន ប៊ុនភឿន ប្រធានប្រតិបត្តិកម្មវិធីប្រចាំខេត្តស្ទឹងត្រែង របស់អង្គការផ្លែនអន្តរជាតិកម្ពុជា និង សហការី ។លោក ផែន ប៊ុនភឿន ប្រធានប្រតិបត្តិកម្មវិធីប្រចាំខេត្តស្ទឹងរបស់អង្គការផ្លែនអន្តរជាតិមានប្រសាសន៍ថា ការប្រគល់ជំនួយមនុស្សធម៍របស់អង្គការផ្លែនអន្តរជាតិប្រចាំខេត្តស្ទឹងត្រែងនេះ ធ្វើឡើងបន្ទាប់ពី សាលារៀនមួយចំនួន ក្នុងខេត្តស្ទឹងត្រែង ត្រូវបានអនុញ្ញាតឲ្យដំណើរការសិក្សារបស់ សិស្សានុសិស្ស ឡើងក្រោយពី អាក់ខានមួយរយៈធំ ដោយសារការរីករាលដាល ឆ្លងនៃជំងឺកូវីដ _១៩ ។លោកបញ្ជាក់ថា ជំនួយមនុស្សមនុស្សធម៍ដែលប្រគល់ជូន មន្ទីរអប់រំយុវជន និងកីឡា នៅពេលនេះគឺសមស្របនិងការប្រតិបត្តិការរបស់អង្គការផ្លែនអន្តរជាតិដែលតែងតែបានចូលរួមចំណែកជាមួយរាជរដ្ឋាភិបាលក្នុងកិច្ចការមនុស្សធម៍ និងកិច្ចការសង្គមផ្សេងៗផងដែរ។ លោក ហ៊ាង ប៉ូលី បានមានប្រសាសន៍ថ្លែងអំណរគុណដល់អង្គការផ្លែនអន្តរជាតិប្រចាំខេត្តស្ទឹងត្រែងដែលតែងតែបានជួយជា ម៉ាស់ និង សម្ភារៈជាច្រើម ក្នុងការចូលរួមជាសកម្មភាពមនុស្សធម៍ជាមួយ មន្ទីរអប់រំ ក្នុងពេលនេះនិងកន្លងមក ដែលសកម្មភាពមនុស្សធម៍នេះបានរួមចំណែកយ៉ាងសំខាន់ក្នុងចូលរួមទប់ស្កាត់ការីករាលដាលនៃជំងឺកូវីដ-១៩ .ដើម្បីចែកជូនសិស្សានុសិស្សតាម គ្រឹះស្ថានសិក្សា មួយចំនួនដែលបានបើកអោយដំណើរការសិក្សាឡើងវិញ។ លោកប្រធានមន្ទីរអប់រំយុវជននិងកីឡាខេត្ត បន្តថា រាល់ជំនួយមនុស្សធម៍ដែលអង្គការផ្លែនអន្តរជាតិ និងសប្បុរធម៍នានាបានឧបត្ថមគាំទ្រដល់មន្ទីរ និងត្រូវបានយកទៅប្រើឲ្យចំគោលដៅយ៉ាងពិតប្រាកដ ដោយមិនធ្វើឲ្យសប្បុរសជនមានក្តីព្រួយបារម្ភនិងខកបំណងឡើយ។សូមបញ្ជាក់ផងជំនួយមនុស្សធម៍ដែលអង្គការផ្លែនអន្តរជាតិប្រគល់ជូន មន្ទីរអប់រំយុវជននិងកីឡាខេត្តស្ទឹងត្រែង នាពេលនេះមានដូចជា.ម៉ាស់ក្រណាត់ ចំនួន ៥,៣២៨ ម៉ាស់ .របាំងមុខ ចំនួន ២,៦៦៤ . អាកុល ៣០ លីត្រ ចំនួន ៣៨ កាន. សាប៊ូលាងដៃ ចំនួន ៥៧ ដុំ . .ឧបករណ៍វាស់កំដៅឬស៊ីតុណ្ហភាព ដែលមានស្តង់ដា ចំនួន ៣៥ សម្រាប់ .នឹង ជែល ចំនួន ១៧៨ ដប ផងដែរ ។ក្នុងនោះដែរ កងរាជអាវុធហត្ថខេត្តស្ទឹងត្រែង បានឧបត្ថម្ភ ប្រគល់ ម៉ាស់ ចំនួន ៤ ពាន់ម៉ាស់ បន្ថែមទៀតដល់ មន្ទីរអប់រំយុវជន និង កីឡាខេត្តស្ទឹងត្រែង ៕
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ