បញ្ជូនជនសង្ស័យពីរនាក់ទៅតុលាការខេត្តប៉ៃលិន
ប៉ៃលិន៖កម្លាំងនគរបាលស្រុក បានបញ្ជូនជនសង្ស័យ២នាក់ករណីប្រើហិង្សាដោយចេតនាទៅតុលាការនៅរសៀលថ្ងៃទី១៤ ខែកញ្ញា ឆ្នាំ២០២១។
ជនសង្ស័យឈ្មោះ ឡុង ប៊ុនថន ភេទប្រុស អាយុ ៣៨ឆ្នាំ មុខរបរ អាជីវករ មានទីលំនៅក្នុងភូមិវត្ត សង្កាត់ប៉ៃលិន និងឈ្មោះ ឡុង សំណាង ភេទប្រុស អាយុ ៣១ឆ្នាំជា អាជីវករ នៅ ក្រុងប៉ៃលិន ។ទាំងពីរនាក់ពាក់ព័ន្ធក្នុងករណីហិង្សាដោយចេតនា ប្រព្រឹត្តក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជននេះត្រូវសមត្ថកិច្ចចាប់ខ្លួនតាមដីកាបង្គាប់ឱ្យឃុំខ្លួនរបស់លោក គឹម ម៉េង ចៅក្រមស៊ើបសួរ តុលាការខេត្តប៉ៃលិន បច្ចុប្បន្ន ជនត្រូវចោទទាំង២នាក់ ត្រូវបានបញ្ជូនទៅឃុំខ្លួននៅពន្ធនាគារខេត្តតាមនីតិវិធី ៕
