ខេត្តកែប: ខ្ញុំបាទសែម សារឿន ហៅ អាចារ្យ សារឿន មានមោទនៈភាព ដ៏ក្រៃលែង ដែលបានចូលរួម រំលែកទុក្ខ ស្ដីពីការព្រួយបារម្ភរបស់ប្រជាពលរដ្ឋ ចំនួន74 គ្រួសារ ដែលជាអាជីវកររស់នៅនិង អាស្រ័យផលលើដីចំណីសមុទ្រ អស់រយៈពេលជាង 20 ទៅ 30 ឆ្នាំ មកហើយ។
សូមថ្លែងអំណរគុណយ៉ាងជ្រាលជ្រៅជាទីបំផុត ដល់ ឯកឧត្តម ដួង តារា ទីប្រឹក្សាផ្ទាល់សម្ដេចតេជោ និងជារដ្ឋលេខាធិការទីស្តីការគណ:រដ្ឋមន្ត្រី ក៏ដូចជា ឯកឧត្តម សោម ពិសិដ្ឋ អភិបាល នៃគណៈអភិបាល ខេត្តកែប ដែលលោកបានបន្ទន់ឥរិយាបថ ចូលរួមដោះស្រាយនូវភាពមន្ទិលសង្ស័យ របស់បងប្អូនអាជីវករ ដែលរស់នៅ និងអាស្រ័យផល លើដីចំណីឆ្នេរសមុទ្រ ត្រង់ចំណុច ឆ្នេរជ្រោយដូង អស់រយៈពេលជាយូរណាស់មកហើយ។
ឯកឧត្តម ដួង តារា ក៏ដូចជា ឯកឧត្តមសោម ពិសិដ្ឋ លោកបានបន្ទន់ឥរិយាបថ ជួបផ្ទាល់ជាមួយប្រជាពលរដ្ឋចំនួន6រូបតំណាងឲ្យ74 គ្រួសារ បានបកស្រាយបំភ្លឺយ៉ាងប្រត្យក្ស ពាក់ព័ន្ធនឹងការមន្ទិលសង្ស័យ ដែលធ្វើឲ្យពួកគាត់ ដេកមិនលក់ បក់មិនល្ហើយ បាយមិននឹកទឹកមិនឃ្លាន ចំពោះការអភិវឌ្ឍ ចាក់ដីលុបឆ្នេរសមុទ្រ ត្រង់ចំណុច ដែលពួកគាត់រស់នៅ និងអាស្រ័យផលជាយូរមកហើយ។
ឥឡូវនេះ មន្ទិលទាំងឡាយ ការព្រួយបារម្ភទាំងឡាយ និងការសង្ស័យទាំងឡាយ ត្រូវបានរំលាយចោល ដោយការជួបមុខគ្នា រវាងពលរដ្ឋ និងក្រុមអាជីវករសំដែងចេញពីបេះដូង ខ្មែរដូចគ្នា ធ្វើឲ្យពួកគាត់ ដែលមានការព្រួយបារម្ភ នាពេលកន្លង បានសប្បាយរីករាយ និងទទួលយក ដោយសោមម្នាស់ ចំពោះការ សម្រេច ពីសំណាក់ ឯកឧត្តម ដួង តារា ទីប្រឹក្សាផ្ទាល់ សម្ដេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម សោម ពិសិដ្ឋ អភិបាល អភិបាល នៃគណៈអភិបាលខេត្តកែប។
ក្នុងនាមយើងខ្ញុំជាអ្នកសារព័ត៌មាន សូមគោរព ទទួលយក ដោយរីករាយ នូវដំណោះស្រាយប្រកបដោយយុទ្ធសាស្ត្រឈ្នះឈ្នះ ទាំងអស់គ្នា នាពេលនេះ សូមអរព្រះគុណ និងសូមអរគុណ...!