រាជធានីភ្នំពេញៈ បើតាមសេចក្តីរាយកាណ៏ពីប្រជាពលរដ្ឋប្រាប់ដល់អង្គភាពទូរទស្សន៍ ស្លឹករឹត SRTV&YKSTV ONLINE បានអោយដឹងថា មានទីតាំងញៀនល្បែងមាន់ជល់មួយកន្លែងដែលស្ថិតនៅទីតាំង ភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ នៅចំហៀងផ្លូវប៉េតុងខាងក្រោយរោងចក្រកែវ។
ប្រជាពលរដ្ឋបានលើកឡើងថាៈ តើលោក ជឹម ស៊ីថា អធិការនគរបាលខ័ណ្ឌដង្កោ មានបានដឹងរឿងនេះដែរឬទេ? ឫបានដឹងហើយតែធ្វើមិនដឹងព្រោះថាទីតាំងសង្វៀនបញ្ចុល់មាន់នេះ គឺនៅមិនឆ្ងាយពីប៉ុស្តិ៍រដ្ឋបាលលោកទេ គឺនៅចំហៀងប្រម៉ាណជាជាង៣០០ម៉ែត្រតែប៉ុណ្ណោះ។
ឫមួយថាលោកជឹម ស៊ីថា អធិការនគរបាលខ័ណ្ឌដង្កោនេះ បានទទួលការសែនព្រេនពីពួកញៀនល្បែងទាំងនោះហើយទេដឹង ព្រោះថាក្រុមញៀនល្បែងមាន់ជល់នេះភ្នាល់មួយគូរៗរាប់ពាន់ដុល្លាឯណោះ ដោយមិនខ្លាចនិងប្រឆាំងបំរាមរបស់រាជរដ្ឋាភិបាលក្នុងសម័យកូវីត១៩នេះតាមអនុសាសន៍ដ៏ខ្ពង់ខ្ពស់របស់សម្តេចតេជោ ៣កុំ ៣ការពារនោះឡើយ។
ក្រោយពីទទួលបានព័ត៌មាននេះពីប្រជាពលរដ្ឋហើយ ក្រុមការងារព័ត៌មានរបស់យើងបានចុះទៅមើលទីតាំងនោះឃើញហេតុការណ៍ជាក់ស្តែងឃើញមានៈ ឃើញមាននាក់ចាំមើលផ្លូវខាងក្រៅ មានកង់បីដឹកអ្នកលេងចូលទៅក្នុងផ្ទះបញ្ជុល់មាន់ ឃើញមានកាន់មាន់យួមាន់ក្នុងកន្ត្រក់..។
បើតាមប្រភពពីប្រជាពលរដ្ឋបានរាយកាណ៍បន្តែមទៀតថាៈ ជាក់ស្តែងទីតាំងនេះមេប៉ុស្តិ៍ជើងឯក បានចុះទៅណែនាំម្តងរួចមកហើយ ប៉ុន្តែម្ចាស់សង្វៀននេះនៅតែលួចលេងយ៉ាងគឃ្លើន ប្រជាពលរដ្ឋបានដាក់ការសង្ស័យថាទំនងជាបើកភ្លើងខៀវពីសមត្ថកិច្ចហើយមើលទៅឬត្រូវវ៉ូវជាមួយម្ចាស់ទីតាំងបានជាដំណើរការបានរលូនយ៉ាងនេះ។
សូមរំលឹកថាកន្លងមកសម្តេច ក្រឡាហោម ស ខេង បានបញ្ជាឲ្យអាជ្ញាធរ បង្ក្រាបឲ្យអស់គ្រប់ល្បែងស៊ីសងពលរដ្ឋបានសុំណូមពរដល់អាជ្ញាធរពាក់ព័ន្ធទាំងអស់ជាពិសេសឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ មេត្តាចុះពិនិត្យមើលអធិការខ័ណ្ឌដង្កោ លោកជឹម ស៊ីថា និងបង្ក្រាបទីតាំងដែលបើកបង្កប់នូវល្បែងស៊ីសងនេះផង ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញ៕