ក្រសួងព័ត៌មានបានផ្តល់អំណោយជូនរដ្ឋបាលខេត្តព្រះសីហនុ ដើម្បីរួមចំណែកក្នុងប្រតិបត្តិការប្រយុទ្ធប្រឆាំងនឹងជំងឺកូវីដ១៩
ខេត្តព្រះសីហនុ៖ ថ្ងៃទី២៣ ខែមិថុនា ឆ្នាំ២០២១ ឯកឧត្ដម បណ្ឌិត សុខ ប្រសិទ្ធិ តំណាងដ៏ខ្ពង់ខ្ពស់ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន បាននាំយកអំណោជាថិកានិងសម្ភារៈឧបភោគបរិភោគមួយចំនួនផ្តល់ជូរដ្ឋបាលខេត្តព្រះសីហនុសម្រាប់ជាការរួមចំណែកក្នុងប្រតិបត្តិការប្រយុទ្ធប្រឆាំងនឹងជំងឺកូវីដ១៩ដែលកំពុងរាលដាលនៅខេត្តព្រះសីហនុ។ទន្ទឹមនឹងការផ្តល់ជូនរដ្ឋបាលខេត្តឯកឧត្តម រដ្ឋមន្ត្រី ខៀវ កាញារីទ្ធ ក៏បានផ្តល់ជូនមន្ទីរព័ត៌មានខេត្តព្រះសីហនុ សម្រាប់ប្រើប្រាស់ក្នុងបរិបទកូវីដ១៩ផងដែរ។
ឯកឧត្ដបណ្ឌិត សុខ ប្រសិទ្ធិ មានប្រសាសន៍ថាអំណោយទាំងនេះជូនឯកឧត្តមអភិបាលខេត្តព្រះសីហនុ ប្រើប្រាស់តាមការជាក់ស្តែងក្នុងការប្រយុទ្ធប្រឆាំងជំងឺកូវីដ-១៩ និងចែកជូនប្រជាពលរដ្ឋដែលខ្វះខាតស្បៀងក្នុងបរិបទនៃជំងឺកូវីដ-១៩ ជាដើម។
ឯកឧត្តម គួច ចំរើន អភិបាលខេត្តព្រះសីហនុ ថ្លែងអំណរគុណឯកឧត្តមរដ្ឋមន្ត្រីក្រសួងព័ត៌មាន ដែលបានឧបត្ថម្ភគ្រឿងឧបភោគបរិភោគ និងថវិកាដល់រដ្ឋបាលខេត្តព្រះសីហនុ។
ឯកឧត្តម គួច ចំរើន ចាត់ទុកថានេះជាការចែករំលែកធនធាន និងលើកទឹកចិត្តដល់ក្រុមការងារ ក្នុងគោលបំណងតែមួយគឺរួមគ្នាទប់ស្កាត់ប្រយុទ្ធប្រឆាំងនឹងកូវីដ១៩ ដើម្បីស្តាសេដ្ឋកិច្ចសង្គមជាតិយើងអោយឆាប់បានវិលមករកភាពល្អប្រសើរឡើងវិញ។
អំណោយដែលសួងព័ត៌មានឧបត្ថម្ភជូនរដ្ឋបាលខេត្តព្រះសីហនុ រួមមាន៖
-អង្ករ ៥តោន -មី១០០កេស -ទឹកសុទ្ធ ៤៥០កេស-ទឹកស៊ីអ៉ីវ ១០០យួរ -ទឹកត្រី ១០០យួរ
-ត្រីខ ២៥កេសធំ -ម៉ាស ៣០០ប្រអប់ -អាកុល ៥កាន និងថវិកាចំនួន ២០លានរៀល៕