ស្រុកកំពង់ស្វាយ.ខេត្តកំពង់ធំ.នៅថ្ងៃទី27.ខែកុម្ភ:.ឆ្នាំ2021.មានរថយន្តវេអងមួយគ្រឿងដែលដឹកអីវ៉ាន់គេចពន្ធចេញមកពីច្រកល្បៀងអូរស្មាច់ ខេត្តឧត្ដរមានជ័យ ឆ្លងកាត់ ខេត្តកំពង់ធំ លុះមកដល់ចំណុចភូមិក្បិល ឃុំសានគរ ស្រុកកំពង់ស្វាយត្រូវបានក្រឡាប់ផ្ងារជើងឡើងលើលូនចេញមកសុទ្ធតែអីវ៉ាន់គេចពន្ធ តើត្រូវបន្ទោសខាងសមត្ថកិច្ចឬក៏ជំនាញមួយណា បើតាមការទទួលព័ត៌មានបានមកឡានវេអងធំៗជាច្រើនគ្រឿងត្រូវបានសមត្ថកិច្ចកងរាជអាវុធហត្ថបានឃាត់ជាច្រើនដងមកហើយប៉ុន្តែមានការអន្តរាគមន៍មកសុទ្ធតែអ្នកៗធំនៅខាងលើទាំងអស់
មហាជនបានរិះគន់ទៅលើស្ថាប័នគយនិងរដ្ឋករនៅខេត្តកំពង់ធំ បើគយនៅព្រំដែនច្រករបៀងអូរស្មាច់ខេត្តឧត្ដរមានជ័យបើកភ្លើងខៀវឲ្យចូលទំនិញគេចពន្ធហើយយ៉ាងម៉េចបានជាគយនៅក្នុង ខេត្តកំពង់ធំមិនបង្ក្រាបនៅពេលដែលអីវ៉ាន់នោះឆ្លងកាត់ខេត្តកំពង់ធំ ជារៀងរាល់យប់ អញ្ចឹងហើយបានជាមហាជនមានការរិះគន់កន្លងមកមិនខុសទេទៅលើ ស្ថាប័នគយនោះ
អីវ៉ាន់គេចពន្ធទាំងអស់នេះត្រូវបានសមត្ថកិច្ចឈរជើងនៅតាមដងផ្លូវជាតិលេខ 6A បានរិះគន់ចំៗថា ជាឡានរបស់លោកជំទាវម្នាក់ដែលមិនបញ្ចេញឈ្មោះចូលចិត្តរកស៊ីតែអីវ៉ាន់គេចពន្ធដោយខុសច្បាប់ ហើយមិនខ្លាចសមត្ថកិច្ចណាបង្ក្រាបទេដោយសារតែលោកជំទាវរូបនេះមានខ្នងធំៗណាស់នៅពីក្រោយ នៅវេលាម៉ោងនេះថ្ងៃនេះអីវ៉ាន់កំពុងតែសាងដាក់ឡានបន្តទៀតហើយស្ថាប័នគយនិងរដ្ឋករនៅខេត្តកំពង់ធំដេកលក់ធ្វើមិនដឹងធ្វើមិនឮ
ប្រជាពលរដ្ឋរស់នៅតាមដងផ្លូវជាតិលេខ 6A និងប្រជាពលរដ្ឋដែលរស់នៅតាមព្រំដែនតែងតែឃើញអីវ៉ាន់គេចពន្ធដឹកចេញមកជារៀងរហូត ហើយពួកគាត់បានរិះគន់ថាតើជាទង្វើរបស់ស្ថាប័នណា បើសិនជាប្រជាពលរដ្ឋដឹកទំនិញបន្តិចបន្តួចចេញជាលក្ខណៈគ្រួសារពួកគយនាំគ្នាចាប់បង្ក្រាបគ្មានត្រាប្រណីប៉ុន្តែបើអីវ៉ាន់របស់ថៅកែធំៗឬមួយរបស់លោកជំទាវដែលតែងតែនិយមរកស៊ីអីវ៉ាន់ខុសច្បាប់បើកដៃឲ្យចេញដោយរលូនគ្មានទាក់។