កម្លាំងសមត្ថកិច្ចចម្រុះចុះអនុវត្តតាមដីកាបង្គាប់ការរបស់រដ្ឋបាលខេត្តស្ទឹងត្រែងករណីកាន់កាប់ដីព្រៃខុសច្បាប់
ស្ទឹងត្រែង:កម្លាំងសមត្ថកិច្ចចម្រុះបន្តចុះអនុវត្តតាមដីកាបង្គាប់ការពីរទីតាំងធំៗបន្ថែមទៀត។
ប្រតិបត្តិការនោះ ធ្វើឡើងនៅថ្ងៃទី២៧ខែ ឧសភាឆ្នាំ២០២០សហការជាមួយ បរិស្ថាន នគរបាល រដ្ឋបាលព្រៃឈើ មន្រ្តីសុរិយោដី តំណាងអភិបាលស្រុក ដឹកនាំដោយ លោក ជេត ខេមរា ព្រះរាជអាជ្ញាអមសាលាដំបូងខេត្តស្ទឹងត្រែង។
មន្រ្តីចូលរួមបាននិយាយថាការចុះអនុវត្តតាមដីកាបង្គាប់ការរបស់រដ្ឋបាលខេត្តបានចុះពិនិត្យការកាប់រាន ទន្ទ្រានព្រៃយកដីធ្វើកម្មសិទ្ធិ ពីរចំណុចទីតាំងធំៗគឺនៅចំណុចទី១ ប្រឡាយខ្លឹម។ចំណុចទី២ ត្រពាំងឬស្សី(អូរក្រូចក្រោម)។ចំណុចទី៣ត្រពាំងត្រយង(អូរក្រូចលេី)។ស្ថិតក្នុងភូមិសាស្រ្តឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង។
ជំហ៊ានបន្ទាប់នឹងធ្វើការសើុបអង្កេតរកអ្នកជាប់ពាក់ព័ន្ធដើម្បីចាត់វិធានការទៅតាមផ្លូវច្បាប់។ រហូតមកទល់ពេលនេះមិនទាន់ឃុំខ្លួនអ្នកជាប់ពាក់ព័ន្ធយកដីព្រៃរដ្ឋដែលមានស័ក្តិធំៗជាច្រើនហិកតានៅឡើយទេ។
ក៏ប៉ុន្តែកន្លងទៅថ្មីៗនេះក៏មានឃាត់ខ្លួនឧត្តមសេនីយ៍ទោចាន់ សំអាតដែរតែបានដោះលែងវិញដោយហេតុផលថាមានជំងឺជាប់ខ្លួន។