ចូលឆ្នាំខ្មែរឆ្នាំនេះភ្ញៀវទេសចរណ៍មកលេងកម្សាន្តក្នុងខេត្តព្រះវិហារមានកាថយចុះយ៉ាងគំហុក
ព្រះវិហារ៖ ដោយគិតពីថ្ងៃទី១៣ខែមេសារឆ្នាំ២០២០រយៈពេល៤ថ្ងៃនៃពិធីបុណ្យចូលឆ្នាំប្រពៃណីខ្មែរសម្រាប់ឆ្នាំ២០២០នេះចំនួនភ្ញៀវទេសចរណ៍ជាតិនិងអន្តរជាតិដែលបានអញ្ជើញមកលេងនៅតាមតំបន់រម្មណីយដ្ឋាននានាក្នុងខេត្តព្រះវិហារមានចំនួន២.២៤១នាក់។
ក្នុងនោះភ្ញៀវជាតិមានចំនួន២.២៣៩នាក់។ចំនួននេះសម្រាប់ភ្ញៀវទេសចរណ៍ជាតិបើធៀបទៅនឹងរយៈពេល៤ថ្ងៃនៃបុណ្យចូលឆ្នាំ២០១៩កន្លងទៅគឺមានកាថយចុះរហូតដល់ទៅ៩៨,៥០ភាគរយ។ដោយឡែកសម្រាប់ភ្ញៀវទេសចរណ៍អន្តរជាតិដែលបានមកលេងក្នុងរម្មណីយដ្ឋាននៅតាមតំបន់នានាក្នុងខេត្តព្រះវិហាររយៈពេល៤ថ្ងៃនៃថ្ងៃចូលឆ្នាំខ្មែរនេះគឺភ្ញៀវអន្តរជាតិមានចំនួនតែ២នាក់ប៉ុណ្ណោះ។ចំនួននេះបើធៀបឆ្នាំ២០១៩គឺមានចំនួនថយចុះរហូតដល់ទៅ៩៩,៥០ភាគរយ។
ហេតុដែលភ្ញៀវទេសចរណ៍ជាតិនិងអន្តរជាតិមានចំនួនថយចុះយ៉ាងគំហុកបែបនេះលោកគង់វិបុលប្រធានមន្ទីរទេសចរន៍ខេត្តព្រះវិហារបានឱ្យដឹងនៅល្ងាចថ្ងៃទី១៦ខែមេសារឆ្នាំ២០២០នេះថាចំនួននៃកាធ្លាក់ចុះភ្ញៀវទេសចរណ៍ជាតិនិងអន្តរជាតិនេះគឺមិនមែនធ្លាក់ចុះតែខេត្តព្រះវិហារយើងនោះទេគឺទូទាំង២៥ខេត្តក្រុងគឺមានកាថយចុះដូចគ្នា។លោកប្រធានមន្ទីរបានលើកឡើងទៀតថាកត្តា២យ៉ាងដែលធ្វើឱ្យចំនួនភ្ញៀវទេចរណ៍មានការថយចុះនោះកត្តាទី១,ដោយមានការឹតបន្តឹងពីប្រមុខរាជរដ្ឋាភិបាលកម្ពុជាដោយមិនអនុញ្ញាតឱ្យប្រជាពលរដ្ឋចរាចរណ៍ឆ្លងពីខេត្តមួយទៅខេត្តមួយក្នុងអំឡុងនៃថ្ងៃចូលឆ្នាំនោះ ។កត្តាទី២,ដោយពួកគាត់បានស្ដាប់ការណែនាំពីប្រមុខរាជរដ្ឋាភិបាលក៏ដូចជាពីក្រសួងសុខាភិបាលផង។ជាពិសេសគឺប្រជាពលរដ្ឋលោកមានការយល់ដឹងផ្តើមចេញពីម្ចាស់ការលើខ្លួនឯងកាន់តែយល់ច្បាស់បន្ថែមទៀតទៅលើករណីមេរោគcovid19ផងនោះ។ក្នុងការចូលរួមមិនឱ្យមានការីករាលដាលពីមេរោគCovid19ផងនោះទើបពួកគាត់មិនមកលេងយ៉ាងដូច្នេះ ។ប្រាក់ សុភាស់