ខេត្តកំពង់ធំ៖ នៅព្រឹកថ្ងៃទី 16 ខែតុលាឆ្នាំ 2020ឯកឧត្តមឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានដឹកនាំកងកម្លាំងក្រោមឱវាទធ្វើពិធី ក្រុងពាលី សូមម្ចាស់ទឹកម្ចាស់ដីដើម្បីសាងសង់អាគារថ្មីពីខ្នង អាគារទី 1 មានទទឹង 7 ,5ម៉ែត្រគុណនឹង 36,5 ម៉ែត្រ ដែលជាអគារសំរាប់ស្នាក់នៅ របស់កងកម្លាំង រក្សាសន្តិសុខ សណ្ដាប់ធ្នាប់ នៅក្នុងខេត្តកំពង់ធំ ដែលអាចស្នាក់នៅបាន កម្លាំងចំនួន 60 នាក់ ជាប្រចាំការ សម្រាប់អន្តរាគមន៍ ជួយដល់ប្រជាពលរដ្ឋ នៅខេត្តកំពង់ធំ ដែលជួបនូវបញ្ហាផ្សេងៗ ជាយថាហេតុណាមួយ អាគារទី 2 ផ្ទះបាយ ដែលមាន ទទឹង 12 ម៉ែត្រ បណ្ដោយ 18 ម៉ែត្រ អាគារទាំងពីរខ្នងនេះ ចំណាយទឹកប្រាក់ ក្នុងការសងសង់ អស់ចំនួនជាង 6 ម៉ឺនដុល្លារសហរដ្ឋអាមេរិក។ឯកឧត្តម ឧត្តមសេនីយ៍ទោ ម៉ែន លី ដែលជាស្នងការនគរបាលខេត្តកំពង់ធំ បានមានប្រសាសន៍លើកឡើងថា កងកម្លាំង រក្សារសន្តិសុខទាំង 60 នាក់នេះ ត្រូវតែមាន ជំនាញឲ្យគ្រប់ដើម្បីជួយអន្តរាគមន៍ ឲ្យបានទាន់ពេលវេលា ជួយដល់ប្រជាពលរដ្ឋ ទូទាំងខេត្តឲ្យបានល្អប្រសើរ ហើយលោកនឹងបើកវគ្គបណ្ដុះបណ្ដាល ជំនាញទាំងអស់នេះនៅពេលឆាប់ៗខាងមុខ ដូចជា ពន្លត់អគ្គីភ័យ គ្រោះមហន្តរាយផ្សេងៗជាច្រើនទៀត ធ្វើយ៉ាងណា ដើម្បី ការពារ ឲ្យបាន មានប្រសិទ្ធភាពខ្ពស់ ដល់បងប្អូនប្រជាពលរដ្ឋក្នុងខេត្តកំពង់ធំ។ជាចុងក្រោយ ឯកឧត្តម ក៏មានប្រសាសន៍ផ្ដាំផ្ញើ ទៅដល់ បងប្អូនកងកម្លាំងនគរបាលជាតិនៃស្នងការនគរបាលខេត្តកំពង់ធំទាំងអស់ ឲ្យចេះរួបរួមសាមគ្គីគ្នា យកចិត្តទុកដាក់ ការពារ សុវត្ថិភាពរបស់បងប្អូនប្រជាពលរដ្ឋ ឲ្យមានប្រសិទ្ធភាពខ្ពស់។ដោយ លោក យ៉ូន យ៉ុន
ព័ត៌មានគួរចាប់អារម្មណ៍
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ខ្មែរថ្ងៃនេះ)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ខ្មែរថ្ងៃនេះ)
ឃាត់ខ្លួនប៉ូលីសក្លែងក្លាយ ពាក់ឯកសណ្ឋានស័ក្តិ៣ ធ្វើសកម្មភាពឆែកឆេរសម្ភារៈ និងគំរាមពិនិត្យទឹកនោមរកសារធាតុញៀន ទៅលើយុវជនម្នាក់ នៅភ្នំពេញ (ខ្មែរថ្ងៃនេះ)
វីដែអូ